NLW MS. 3035 (Mostyn 116) – page 136v
Brut y Brenhinoedd
136v
gỽedy ỻad eu ỻywodron. ỽynteu a|ỽrthladỽyt yn waratwyt
o|r ynys. A gỽedy dyuot maxen a|chynan y|r wlat honn Yr
hyn a|trigyỽys yno ny|chaỽssant rat y gynhal y goron
yn wastat kyt ry|ffo rei o|tywyssogyon kadarn yndi Eis+
soes y rei ereiỻ a vydynt wanach A|phan delhynt y
rei hẏnẏ. y koỻynt. Ac ỽrth hynẏ dolur yỽ genhyf|i.
gỽander aỽch pobyl chỽi. kanys o|r vn genedyl yd hen+
ym ni Ac o|r vn enỽ y an gelwir ni brytanyeit megys
chỽitheu Ac yd ym ni yn kynal y|wlat hon rac paỽb
oc an gelynyon o|pop parth ni yn ỽraỽl. ~ ~
A gỽedy daruot y selyf dywedut y·veỻy megys gan
gewilyd. katwaỻaỽn a dywaỽt val hyn Arglỽyd
vrenhin heb ef ganedic o|n hendadeu ni vrenhin+
ed. ỻawer o diolcheu a|talaf|i ytti dros y nerth yd ỽyt ti
yn|y adaỽ imi y geissaỽ vyg kyfoeth drachefyn. yr hyn
a dywedy titheu bot yn ryfed genhyt nat yttym ni
yn kadỽ teilygdaỽt an hen·dadeu ni. gỽedy dyfot.
y brytanyeit y|r gỽladoed hyn ny barnaf|i bot yn ryfed
hyny. kanys y bonhedigyon a|r dylyedogyon a deuth+
ant yma y·gyt a|r tywyssogyon hynẏ o|r teyrnas oỻ
A|rei anuonhedic a|drigyassant yno Ac a|gymerassant
y rei hynẏ. A gỽedy dechreu ohonunt kaffel kyfoeth
a|theilygdaỽt y|rei bonhedic ymdrychafel a|wnaethant
yn ryotres a syberwyt yn vỽy noc y deissyfei eu han+
yan vdunt Ac ymrodi y odineb y|ryỽ ny chlywit ym
plith y poploed Ac megys y|dyweit gildas traethaỽdyr yr
istoria. hyt nat vod y* mỽy y pechaỽt hỽnỽ no|r hoỻ pechodeu
a|nottaei y dynaỽl anyan eu gỽneuthur Ac yn vỽyaf
oỻ yr hỽn a diwreida ansaỽd yr hoỻda. Sef yỽ hyny
kassau gỽirioned a|e hamdiffynwyr. A charu kelwyd
| « p 136r | p 137r » |