NLW MS. 3035 (Mostyn 116) – page 163r
Brut y Tywysogion
163r
ef a|ffoes y|r deheu ac a deuth y ystrattywi. a gỽedy clybot hyny
ỻawer a ym·gynuỻaỽd attaỽ o|pop tu. ac ynteu a|duc kyrch
anhegar am ben y freinc a|r flemisseit yny daruu y vlỽydyn
hono. Y vlỽydẏn rac ỽyneb y kyrchaỽd y gruffud vab rys a dy+
wedassam ni vchot. Yn|y vrỽydyr gyntaf y casteỻ a oed yn ymyl
arberth ac y|ỻosges Odyna yd aeth hyt yn ỻan ymdyfri ỻe
d* |oed gasteỻ neb vn tywyssaỽc a elwit rickert pỽnsỽn y
gỽr y|rodassei henri vrenhin idaỽ y cantref bychan ac y pro+
fes y torri a|e losgi. ac nys gaỻaỽd. kanys ymỽrthlad ac eff
a|wnaeth keitweit y castel. ac* chyt ac ỽynt Maredud vab
ryderch vab cradaỽc y gỽr a oed yn kynal ystiwerdaed y+
dan y|dywededic ricart. Y rac·casteỻ eissoes a losges a gỽedy
ymsaethu o|r tor ac ef a brathu ỻawer o|e wyr a saetheu
a ỻad ereiỻ yd ymchoelaỽd drachefyn. a gỽedy hyny yd an+
uones y gytymdeithon y wneuthur kyrch a chynỽrỽf ar
gasteỻ a oed yn ymyl aber tawy a hỽnỽ bieuoed Jarỻ a
elwit henri bemỽnd a gỽedy ỻosgi y rac·casteỻ ac amdif+
fyn o|r keitweit y tỽr a ỻad rei o|e wyr yd ymchoelaỽd dra+
chefyn. a gỽedy clybot hẏnẏ ac ym·gynuỻ attaỽ ỻawer
o ynytyon* ieueinc o pop tu wedy y dỽyỻaỽ o chwant an+
reitheu neu o geissaỽ atnewydu bryttanaỽl deyrnas ac
ny thal ewyỻus dyn dim o·ny byd duỽ yn borth idaỽ.
Gỽneuthur a oruc ysclyfyaetheu maỽr yn|y gylch ogylch.
a|r freinc yna a gymerassant gygor a galỽ penaetheu y
wlat attunt nyt amgen ywein ap cradaỽc ap ryderch y
gỽr y rodassei henri vrenhin idaỽ ran o|r cantref maỽr
a maredud vab ryderch yr hỽn a dywedasam vry a ryderch
ap teỽdỽr a|e veibon. Maredud ac ywein. Man* y rei hyny
| « p 162v | p 163v » |