NLW MS. 3035 (Mostyn 116) – page 51r
Brut y Brenhinoedd
51r
auarỽy bryt y|bren·hin yn gyffroedic Am lad y|nei Ac yn ỻidyaỽc
Gỽrtheb a oruc idaỽ val hyn gan petrussaỽ rodi y nei ỽrth
ewyỻus y|brenhin. Dioer heb ef ỻys yssyd i|mineu. Ac y|m
ỻys. i. y dyly ỽyg gỽr|i atteb o|pop peth o|r a yrrer arnaỽ Ac
os holi kuelyn a|vynhei. dywedut y|mae yn ỻundein y dylyei
wneuthur iaỽn. kanys y|ỻys hono oed hynaf a|phenaf yn
ynys brydein yr y dechreu. Ac ynteu auarỽy yny* eidaỽ hono.
Ac ynteu a|wnaei iaỽn yno dros y ỽr mal y barnei lys lundein
A gỽedy na aỻỽys kaswaỻaỽn kael y gỽr y varnu arnaỽ
ỽrth y ewyỻus. gogyuadaỽ auarỽy a oruc gan tygu yd
anreithei y|gyfoeth o|dan a|hayarn. ony rodei y|ỽr y varnu
arnaỽ yn ỻys y brenhin am y|gyflauan a|wnathoed Ac
o achaỽs hynny ỻityaỽ yn vỽy a oruc auarỽy Ac anhei+
lygu rodi y|nei yn ewyỻus y brenhin. Ac yn dianot kychwyn
a oruc kaswaỻaỽn a dechreu anreithaỽ kyuoeth a·uarỽy.
drỽy gar a|chetymdeithon keissaỽ tagnefedu gan gaswaỻ+
aỽn A gỽedy na chaffei dagnefed o|neb ford y gantaỽ Sef
a|wnaeth anuon y|geissaỽ nerth a|chanhorthỽy y gan vl+
kassar amheraỽdyr rufein drỽy lythyr yn|y mod hỽn.
A varỽy mab ỻud tywyssaỽc ỻundein yn anuon anerch
y vlkesar. a gỽedy damunaỽ gynt y|agheu; damunaỽ
weithon y jechyt Ediuar yỽ genyf|i dala y|th erbyn
di pan vu yr ymladeu rot a|chasswaỻaỽn an brenhin nineu
kanys pei ry|beitỽn. i. heb amheu ti a|oruydut ac a vydut
vudugaỽl. A|chymeint o|syberwẏt a gymerth ynteu gỽe+
dy kaffel vy nerth. i. Ac y|mae ynteu weithon y|m|digy+
foethi inheu Ac yveỻy y|mae ef yn talu drỽc dros da
imi. miui a|e gỽneuthum ef yn dreftadaỽc Ac ynteu
yssyd y|m didreftadu ineu. miui a|e gossodeis ef yr eil+
weith ar y vrenhinaeth. Ynteu yssyd yn|whenychu vyn ̷
| « p 50v | p 51v » |