NLW MS. 3035 (Mostyn 116) – page 83r
Brut y Brenhinoedd
83r
Dynolyaeth a dolurya poen. Ef a|hoỻir furyf y gyf+
newit. haner crỽn a vyd. Ef a baỻa cribdeil y barcuta+
not Adaned y bleideu a bylant. kanaỽon y ỻeỽ a sym·u+
dir yn vorolyon bysgaỽt Ac eryr hỽnỽ a wna y nyth ar
vynyd yr a·via neu eryri. Gỽyned a gocha o|e mamaỽl
waet. A|thy gorineus a|lad y|whe broder. O nosolyon dagreu+
oed y gỽlypa yr ẏnẏs Gỽae hi flandrys o lef y kỽynua+
nusson. kanys yndi y dineuir ymenyd y ỻeỽ. yn* bo briỽ+
edic y hoỻ ae·lodeu o|e tadaỽl dylyet y gỽrthledir O+
dyna y gelwir paỽb ar pop peth. Y|plant a|larufyant
ehedec ar oruchelder. kanmaỽl petheu newyd hagen
a dyrchefir Yr a vo gỽar yd argywedir o enwired yny
wisgo ef y ryeni. ỽrth hyny yd yskyn mynyded y rỽym+
edic o daned baed coet a gỽascaỽt y penfestinyaỽc.
Sorri a|wna yr alban. Ac yny bo kytalwedic y|hystlysseu
y|ỻafurya y dineu gỽaet Yg geneuoed hỽnỽ y rodir frỽyn
yr hỽn a|wneir yn arfet lydaỽ. Eryr tor y gygreir a
eura hỽnỽ. Ac o|r trydyd nyth y|ỻawenhaa. Yna y deffry
y kanawon a aruthrant a gỽedy yd adaỽhont y coetyd
o vyỽn muroed y dinassoed yd helir Aerua nyt bychan
a|wnant o|r rei a ỽrthỽynepo a|thauodeu y|teirỽ a|drych+
ant. Mynygleu y|rei a vrefant a|ỽrthtrymant o gadỽy+
neu. A henyon amseroed a atnewydant Odyna o|r kyn+
taf y|r petwyryd. o|r petwyryd y|r trydyd o|r trydyd
y|r eil. y troir y vaỽt yn yr oleỽ. Y|chwechet a diwrei+
da muroed jwerdon. A|e ỻỽyneu a symut yn vael. Am+
ryfaelon ranneu a dỽc yn vn. Ac o|pen y|ỻeỽ y coron+
heir. y wibiaỽ y darestỽg y dechreu a|e diwed a ehetta
ar oruchelder. kanys atnewydhaa eisteduaeu y rei gỽyn+
uydedigyon drỽy y gỽladoed ac a|leha bugeilyd yn ỻeoed
[ gỽedus.
| « p 82v | p 83v » |