NLW MS. 3036 (Mostyn 117) – page 193
Brut y Brenhinoedd
193
medylyaỽ o·nadunt py wed y gellynt ymrydhau
odyno. nachaf eu kennadeu yn dyuot o germa+
nia a whechant llog gantunt yn llaỽn o varchogy+
on aruaỽc. A cheldric yn tywyssaỽc arnunt. Ac yn
discynnu yn yr alban A guedy clybot o arthur hyn+
ny. Sef y kauas yn| y gyghor nat eistedei ỽrth y ga+
er yn hỽy no hynny rac pedruster ymlad a| chynull+
eitua gymeint a honno o delhynt am y pen. A| my+
net a| wnaeth odyno hyt yn llundein. A galỽ attaỽ
holl wyrda ynys prydein ieirll a barỽneit a marcho+
gyon urdaỽl. Ac escyb ac abadeu ac athraỽon. Ac o
gyt gyghor y kỽnsli hỽnnỽ yd anuonet kenna+
deu hyt ar hywel vab emyr| llydaỽ a oed vrenhin
yn llydaỽ. y venegi idaỽ yr ormes a oed ar y bryta+
nyeit gan genedyl saesson paganeit. Nei vab y
chwaer y arthur oed hỽnnỽ o emyr llydaỽ y tat. A
phan gigleu hywel y ryuel a oed ar y ewythyr.
Sef a wnaeth paratoi llyges ac ethol pymtheg
mil o uarchogyon aruaỽc ygyt ac ef. Ac ar y gỽynt
kyntaf a| gauas yn| y ol. kychwyn parth ac ynys
prydein. A dyuot sauthamtỽn yr tir. A|e aruol yn
enrydedus a| wnaeth arthur idaỽ mal y dylyit y
ỽr kyfurd a hỽnnỽ. A guedy mynet ychydic o dydy+
eu heibaỽ. kychwyn a| wnaethant odyno parth
a chaer lỽytcoet am pen y paganyeit a| oed yn| y
chywarsagu. Ar tref honno yssyd yn| y lindyser
ar pen mynyd y·rỽg dỽy auon. Ac a elwir o enỽ ar+
| « p 192 | p 194 » |