NLW MS. 3036 (Mostyn 117) – page 8
Brut y Brenhinoedd
8
bychydic. kanys paraỽt oed wyr tro ac eu harueu
yn wiscedic. gyweir ymdanunt. A guyr groec no+
ethon diaryf oedynt. Ac ỽrth hynny gleỽach oed
wyr tro. Ac yn| y wed honno ny orffowyssynt oc
eu llad hyny daruu eu distryỽ yn gỽbyl hayach.
A dala antigonus braỽt pandrasius ac anacle+
tus y| getymdeith. Ac ar hynny y uudugolyaeth
a gafas brutus.
AC yna guedy caffel o vrutus y uudugolya ̷+
eth honno; gossot a oruc chwechant march+
aỽc y myỽn kestyll assaracus. A|e gadarnhau o|r
petheu a uei reit ygyt a hynny. A chyrchu a oruc
ynteu y| diffeith a|r dryll o|e lu gantaỽ yn| y lle yd
oed yr anhedeu a|r guraged a|r meibon. A|r nos hon+
no guedy hynny coffau a oruc pandrasius y ffo
e| hun. A doluryaỽ yn vaỽr ry lad y wyr a daly y vra+
ỽt. A chynnullaỽ y ffoedigyon attaỽ oc eu llech+
uaeu. A phan oleuhaỽys y dyd tranoeth. kyrchu
a oruc am pen y kastell. kanys yno y tebygei|ry
uynet brutus a|r carcharoryon gantaỽ. A guedy
edrych o·honaỽ ansaỽd y kastell yn graff. rannu
y lu yn vydinoed a oruc yg kylch y kastell. Ac er+
chi y paỽb guarchadỽ y ran. Ac ymlad ac ef o p+
op keluydyt o|r y gellit. Ac yuelly o pop keluy+
dyt llauuryaỽ a| wnaethant y geissaỽ y distryỽ
yn oreu y| gellynt. A guedy bydit yn| y wed hon ̷+
no yn treulaỽ y| dyd; y| gossodit rei ereill diulin y
| « p 7 | p 9 » |