NLW MS. Peniarth 11 – page 229v

yn|y tỽrneim·ant hỽnnỽ a gaffei y goron a|r march. Ac y caf+

fei vot yn arglỽyd ar tir yr arglỽydes bioed y goron. ac o acha+

ỽs y chwedleu hynny y|doeth yno ỻawer o varchogyon urdo+

lyon mỽy noc a|deuei gynt. a gỽedy hynny arthur a |gỽalch

a* gỽalchmei a|laỽnslot a nessaassant o|r neiỻtu. 

M Enegi y mae y kyuarỽydyt kymryt o arthur y da+

ryan eureit a rodassei y vorwyn idaỽ yn|y pebyỻ. Gỽ+

alchmei a|gymerth yr eidaỽ ynteu e|hun. Laỽnslot a|gym+

merth taryan werd yr|honn a|dugassei o garyat y marcha+

ỽc a|ladyssit yn|y fforest yn|y amdiffyn ef. ac yn|y tỽrneim+

ant y traỽssant ỽy yỻ tri megys ỻewot a|dianghei oc eu  ̷

cadwyneu. ac ar hynt ỽynt a|draỽssant tri marchaỽc urda+

ỽl y|laỽr ar y|dyuodyat o gyfadnabot ac ỽynt. ac odyna ỽynt

a chwilyassant bop toryf a|phop bydin. ac a|vwryassant law+

er o|wyr a|meirch y laỽr. ac ny chyvaruu yn|y|dyd hỽnnỽ neb

a|r brenhin neb nys bỽryei y laỽr neu ynteu a goỻei y daryan.

Gỽalchmei a|laỽnslot nyt oedynt segur ỽynteu o|r parth araỻ.

Paỽb eissyoes a|oed yn edrych ar y brenhin. kanys kynnal

y le yd oed ef yny megys nat oed neb a|lyuasse* na|e gyrchu

na|e aros y tỽrneimant a|barhaaỽd yn|y mod hỽnnỽ deu di+

warnaỽt. a|phan|daruu ef a varnaỽd paỽp panyỽ y mar+

chaỽc a|r arueu eureit a|vuassei oreu. Yna y marchaỽc a

dathoed a|r goron yno a|gyrchaỽd att arthur ac nys adnabu|ef.

Arglwyd heb ef ti a enniỻeist y goron honn a|r march hỽnn.

a thi a|dylyut vot yn|ỻawen ot ỽyt mor rymus di ac y geỻy+

ch amdiffyn a|chynnal tir y vrenhines oreu oc a|vu yn|yr