NLW MS. Peniarth 11 – page 31r
Ystoriau Saint Greal
31r
heb ef vo y prenn ny dycko ffrỽyth arnaỽ. Ac ueỻy yd amarch+
aỽd duỽ y prenn hỽnnỽ. Edrych ditheu a|wyt tebic di y|r prenn
hỽnnỽ. nac wyt yn wir namyn gỽaeth etto. kanys pan|doeth
iessu grist dan y prenn ef a gaỽssoedyat deil pei mynnassei eu
kymryt. A phan|doeth seint greal attat ti ny|wyr|duỽ gael vn
deilyen arnat. kystal yỽ hynny ac nat oed ynot ti na medỽl
da nac ewyỻys da. na gỽeithret da. ac am hynny y|th alwyt ti
ual y dywetpỽyt uchot. Yn|ỻe gỽir heb y laỽnslot. kystal y
synhwyryeist di ymi hynny ac y|mae ynof pob geir o|r a|dyw+
edeist wedy y|lettyv. a chanys dywedeist di ỽrthyf|i na wneu+
thum gymeint etto ac na aỻwyf gaffael kerennyd duỽ o|r
mynnaf ymoglyt o hynn aỻan. Minheu a|dyngaf yn|gyn+
taf y|duỽ. ac y titheu wedy hynny. na wnaf j vyth chweith pe+
chaỽt godineb. Eissyoes. am geissyaỽ anturyeu a|gỽneu+
thur milwryaethyeu. ny aỻaf|i beidyaỽ etto hyt tra vwyf yn
kyn iachet ac yr wyf. Pan gigleu y meudwy efo yn dywedut
ueỻy ef a|vu da ganthaỽ. ac a|dywaỽt. nyt archaf|i weỻ no
hynny heb ef. Ac yna roi penyt arnaỽ a|wnaeth a|e oỻỽng.
ac adolỽc idaỽ trigyaỽ ygyt ac ef y nos honno. a laỽnslot
a|attebaỽd ac a|dywaỽt mae reit oed idaỽ drigyaỽ. kanys
nyt oed idaỽ na march nac arueu. Erbyn y bore heb y
meudwy mi a|e|paraf ytt. kanys y|mae yma yn agos braỽt
ymi yn varchaỽc urdaỽl a|envyn ym varch ac arueu a|chỽ+
byl o|r a vo reit ytt kynn|dy vynet odyma. ac yno y trigya+
ỽd laỽnslot y·gyt a|r gỽr mỽyn yr hỽnn a|e dysgassei drỽy
amrauael barableu yn gymeint. ac yny vu laỽnslot yn|wir
| « p 30v | p 31v » |