NLW MS. Peniarth 18 – page 25v
Brut y Tywysogion
25v
segru y|duỽ a|gỽedy gỽiscaỽ ymdanaỽ yn vynach a|ch+
ymryt kymun corff crist ac oleỽ ac aghen. Yn|y ulỽ+
ydyn honno y|bu varỽ Jeuan archeffeirat llanbad+
arn. y gỽr a|oed doethaf o|r doethon gỽedy arỽein y
uuched yn greuydus heb pechaỽt marỽaỽl hyt y ag+
heu yn|y trydyd dyd o|galan ebrill. yn|y ulỽydyn hon+
no hefyt y|doeth Meibon gruffud ap kynan y|dryded
weith y geredigyaỽn ac y llosgassant castell ystrat
meuryc a|chastell llan ystyffan a|chastell hỽmfre. a|ch+
aer vyrdin. Yn|y ulỽydyn racỽyneb y|doeth yr amhe+
rodres y|loegyr yr darestỽg brenhinyaeth loegyr y he+
nri y|mab kanys merch oed hi y henri gyntaf vab gỽi+
lim bastart. ac yna y bu diffic ar yr heul y deudecuetyd
o galan ebrill. Y ulỽydyn racỽyneb y llas kynỽric ap
yỽein y|gan deulu Madaỽc ap Meredud. y|ulỽydyn ỽe+
dy hynny y bu varỽ Madaỽc vab Jtnerth. ac y llas me+
redud ap hoỽel. y|gan veibon bledyn ap ygỽyn. y ulỽ+
ydyn racllaỽ y|llas hyỽel ap Meredud ap ryderch o|r can+
tref bychan drỽy dechymic Rys ap hoỽel ac ef hỽn a|e
DEugein mlyned a|chant a|mil oed [ lladaỽd.
oet crist pan las hoỽel ap Meredud ap bledyn y
gan y ỽyr e|hun heb ỽybot pỽy a|e lladaỽd. ac yna y|llas
hoỽel a|chadỽgaỽn Meibon Madaỽc ap Jtnerth. Y ulỽy+
dyn wedy hynny y|llas anaraỽt vab gruffud gobei+
th a|chedernit a|gogonyant y|deheuỽyr y gan teulu
katỽaladyr y|gỽr yd oed yn ymdiret idaỽ yn gyme+
| « p 25r | p 26r » |