NLW MS. Peniarth 35 – page 53v
Llyfr Cynghawsedd
53v
1
essef eỽ henne. guystlon o denyon byỽ deu den
2
neỽ a ỽo mỽy o pob pleyt a henne en llaỽ
3
geysson er argluyd. Os priodolder e|men e|haul
4
Jaun eỽ er haulur dechreu holi a| messurau e
5
haul. a dewedut e| ỽot ef en priodaur o ach ac
6
edryff ar y tyr hun ar dayar a| ry| erhu en
7
agkyfreithaul y arnaỽ. ac ossyd a|y amheỽo bot
8
ydau dygaun a gatwo y priodolder. ac ossyt
9
a|y amheỽo e| re| yrhu en angkyfreithaul. bot ydau
10
digaun a|y guypo. Ony wedyr en| e erbyn.
11
Jaun eỽ caffel y haul o·hanaỽ. O gwedyr en| e
12
erbyn Jaun eỽ gadel y ardelu ydau. ac o| sseyf
13
y ardelu a|y caffael o·honau cymeret y haul.
14
Os ef a| dewedir en| e erbyn enteỽ bot deu ar+
15
delu ganthau. keytweyt a guybydieyt a de+
16
wedut na delyant ỽot am er hun haul. Dy+
17
oer hep er haulur pa| le| bynac ym amheỽer.
18
y ar gehyt ac a| dewedeys. myneỽ a uenhaf
19
keytweit en| e lle e| deleint a gubidyeit en| e
20
lle e| delyont ỽynteỽ ỽot y proui bot en wyr
21
a dewedeis ac ar e| kyfreith e| dodaf y e| deleaf henne.
22
kyfreith. a| deweit na does o henne namyn ỽn haul.
23
a bot en oreỽ pan ỽo muyhaf o gedernhyt
24
e| genhal e haul. a deleu o·honaỽ enteỽ er
25
hen a deweit en er amheỽer ef. O deruid e
26
den rodi en atep idau enteỽ o| buosty ema
27
ty a euthost odema en kyfreithaul e ar e| tyr hun
28
ar dayar. ac od amheuy dy henne y mae y+
29
my dygaun a|y guyr. ac ar e kyfreith e| dodaf| y den
| « p 53r | p 54r » |