NLW MS. Peniarth 45 – page 136
Brut y Brenhinoedd
136
eu hannoc y·uelly Erchi a wnaeth dineu delỽ e+
uydeit trỽy tanaỽl geluydyt. A|e gossot yn|y por+
thua y gnotaei y saesson disgynnu yndi. Ac gỽe+
dy bei uarỽ ef iraỽ y corff ac ireideu gwerthua+
ỽr a gossot y corff ar y delỽ honno yr aruthred
yr saesson. Ac ef a|dywedei gwertheuyr uendi+
geit hyt y gwelynt hỽy y delỽ a|e gorff ynteu
arnei hi na leuessynt hỽy dyuot ar y torr ef
yn uarỽ mỽy noc yn uyỽ rac y gniuer ouyn ar
geỽssynt gantaỽ yn|y uywyt. Ac eissoes gwe+
dy y uarỽ ef kynghor oed waeth a wnaethant
wynteu kymryt y corff a|e cladu yn llundein.
AC gỽedy marỽ gwertheuyr uendige+
it. y doeth gortheyrn y kyuoeth dracheuyn
ac gỽedy cael o·honaỽ y urenhinaeth trỽy ystryỽ
y wreic. Anuon a wnaeth hyt yn germania y er+
chi y hengist dyuot. ynys. prydein. yn ysgaelussaf ac
y gallei rac teruysgu eilweith y teyrnas y ryd+
unt ar bryttanneit. A phan gigleu hengist uarỽ
gwertheuyr. kynnullaỽ a oruc ynteu trychan
mil o uarchogyon aruaỽc ac ymchoelut hyt yn
ynys. prydein. Ac gỽedy gỽybot o|r bryttanneit dyuot ni+
uer kymeint a|hỽnnỽ. Sef a|wnaethant ymlad
ac wynt kynn y dyuot yr tir a diffryt y porthue+
yd racdunt. Sef a oruc ef ystrywaỽ bredychu y
bryttanneit trỽy arỽyd tangnheued. Ac anuon
ar y brenhin y uenegi idaỽ nat yr keissaỽ trigy+
| « p 135 | p 137 » |