NLW MS. Peniarth 45 – page 289
Bonedd y Saint
289
mab. gliỽys. mab. tegit. mab. cadell. o lan
cadỽc yg gwent. Tessilyaỽ. mab. broch+
uael ysgithraỽc. mab. kyngen. mab. cadell
dyrnllỽch. O ardun uerch pabo post pry+
dein y uam. llywelyn o|r trallỽng. mab.
tegonỽy. mab. teon. mab. gwineu deu ure+
udỽyt. Gỽrnerth sant. mab. llywelyn
o|r trallỽng. Elhayarn yg kegit+
ua ym powys. A llỽchhayarn yg ke+
dewein. A chynhayarn yn eidonyd. me+
ibon hygaruael. mab. kyndrỽyn o|lystin
wynnan yg kereinaỽn. Gỽyduarch
ym meiuot. malarus tywyssaỽc y
pỽyl; styphan. mab. mawan. mab. kyn+
gen. mab. cadell dyrnllỽch. Tutclyt
a gynodyl. A meirin. a|thutno. A
seneuyr meibon seithernin urenhin
o uaes gỽydno a oresgynws mor eu tir.
Tyurydaỽc ymon. A|teyrnaỽc yn dy+
ffryn clỽyt. A|thudur yn darywein
yg keueilaỽc brodyr oedynt. meibon
awystyl gloff. A marcell eu chwa+
er. a|thywanwed merch amlaỽt wle+
dic eu mam. Keidaỽ. mab. ynyr gwent
a madrun merch wertheuyr uendi+
| « p 288 | p 290 » |