BL Cotton Titus MS. D IX – page 16v
Llyfr Blegywryd
16v
ad. Vn o|duỽ. ac arall o|r brenhined. cannys ef
a dyly dechreu kerd yn llys. a|bard teulu a|dy+
ly canu y|trydyd canu is gynnted y|neuad.
Pan vynno y|vrenhines gerd o|e gỽaranndaỽ
yn|y hystauell. canet y bard ydi tri chanu o|gerd
vangaỽ trỽy lef kymhetraul. megys na rỽ+
ystro ar|y neuad. Y|tir a geiff yn ryd. ac ny
cheiff dim ar|neithoryeu gỽraged gỽryaỽc.
kynn o|hynny. Sef vyd penn·kerd. bard gỽ+
edy ennillo cadeir. Ny dyly bard erchi dim
heb|y gannyat ef. hyt y|bo y sỽyd. onnyt ba*+
id gorỽlat. kannys ryd vyd hỽnnỽ. kyt
gỽahardo brenhin rodi dim y|eircheit yn|y
wlat hyt ym|pen yspeit. ryd|vyd y|penkerd.
M Edyc llys. y sarhaet. a|e alannas.
mal y|dyỽetpỽyt vry. Ef a eisted yn
nessaf y|r pennteulu. Y|tir a geiff yn
ryd. a|march y gan y brenhin a geiff. Yn rat
y|medycinaetha ef sỽydogyon y|llys oll. ka ̷+
ny cheiff y|gantunt. namyn dillat y|creulyt. a|t.
torrer a|heyrr*. eithyr o|r teir gỽeli agheu+
aỽl. a|elỽir o|vyỽn dyn. Dros pob vn o|r vn
rei hynny. y keiff ef punt. heb|y vuyt. neu
naỽvgeint a|e ymborth. Sef ynt; torri penn
dyn hyt yr emenyd. neu vrathu dyn yn|y ar+
ch hyt y|keu. neu torri vn o|r petuar post
| « p 16r | p 17r » |