BL Cotton Titus MS. D IX – page 43v
Llyfr Blegywryd
43v
pob vn o|e gyffelyb yn|yr vn ryỽ vra+
ỽt a|gyll y|gymeint. Ny dygỽyd
neb yg|gỽerth y|tauot onnyt y|bra+
ỽdỽr e|hun. neu y|neb a yymỽystlo
ac ef. pan rodont eu deu wystylonn
erbyn yn erbyn yn llaỽ y brenhin am
y|vraỽt gỽystyl a gỽr thỽystyl.
Pan dygỽytho braỽdỽr sỽydaỽc
llys. neu gymỽt. neu gantref yg
gỽerth y|tauot; tri ph eth a gyll yna.
kyntaf y kyll y sỽyd. Eil yỽ; breint
braỽdỽr o eisseu sỽyd. Trydyd yỽ; gỽer+
th y|tauot. Pỽy|bynnac a|uo braỽdỽr
o|vreint tir kynn dygỽytho ef yg|gỽe+
rth y tauot trỽy y gamvraỽt. ny chyll
ef breint braỽtỽr y|tra vedho ar|y|tir
o|r hỽnn y|mae breint idaỽ y|varnn. Ka+
nys ym|peth|bynnac y|bo breint yn|yr
vn ryỽ hỽnnỽ vyd priodolder diwahan.
megys breint annyanaỽl diwahan. prio+
dolder corff. velly priodolder breint tir ys ̷+
syd priodolder tir. ac velly breint sỽyd ys ̷+
syd priodolder sỽyd. ac vrth hynny pan
wahanner braỽdỽr sỽydaỽc a|e sỽyd tr+
ỽy gyureith. yvelly y|gỽehennir a|bre ̷+
int y sỽyd. Yspeit y dosparth braỽt am+
| « p 43r | p 44r » |