Cardiff MS. 1.362 (Hafod 1) – page 48r
Brut y Brenhinoedd
48r
megy* y gallei ymossedeithaỽ* yn da o·honaỽ ef
a|e varchogyon. Ac odyno mal yd oe* hengyt
ystrywys a ffalst. Gỽedy gỽybot o·honaỽ ry
gaffel ketymdeithas y brenhin. Sed* y dywaỽt
ỽrth y brenhin yn|y wed hon. Arglỽyd heb
ef dy elynyon yssyd yn ryuelu arnat
o pop parth. A chyt gỽelir imi heuyt echydic o wyr
ty teyrnas a|th gar; kanys eu kan|mỽyaf a glywaf
eu bot y|th ogyuodaỽ ti am dỽyn emreis o lydaỽ am
ty pen y|th diot o|th teyrnas; Ac ỽrth hynny os
da genhyt titheu; kyghor yỽ genyf|i anuon ken+
hadeu hyt vyg gỽlat i y waỽd marchgyon* o+
dyno; megys y bo mỽy an niuer y ymlad a|th
elynyon titheu. Ac y gyt a hynny heuyt vn
arch a archaf yt bei na bei rac ofyn vy gom+
ed o·honei. Ac yna y dywaỽt gỽrtheyrn anuon
ti heb ef ty genhadeu hyt yn germania y waỽd*
marchogyon o·dyno. Ac o·dyno arch y minheu
ac nyth nekeir o·honaỽ; ac yn* estỽg y pen a|wna+
eth hengyst a diolch idaỽ hynny. Tidi arglỽyd
heb ef a kyuoethogeisti o tir a dayar. Ac eissoes
nyt megys y gỽedei enredu* tewyssaỽc a hanffei
o lin brenhined; ti a|dylyut rodi y mi a|e kastell
a|e dinas y gyt ac y rodut megys ym gỽelit
inheu yn enrydedus ym plith y tywyssogyon.
Ac yna y dywaỽt gỽrtheyr; ha ỽrda heb ef vy
gỽard i a wnaethpỽyt rac rodi y ryỽ rodyon
hynny itti. kanys estraỽn genedyl ychỽi a phega+
nyeit. Ac nyt atwen inheu ych moes chỽi; nac
| « p 47v | p 48v » |