Breudwd Welsh Prose 1300-1425
Cymraeg

Cardiff MS. 3.242 (Hafod 16) – page 17

Llythyr Aristotlys at Alecsander: Pryd a Gwedd Dynion

17

Y|neb y bo idaỽ glusteu maỽr; ỻetynuyt vyd dyeithyr
bot yn|da y gof. Pỽy bynnac y bo clusteu bychein idaỽ;
ynuyt vyd a|ỻeidyr ac aniweir. Y|neb y bo ỻef bras
idaỽ; ymladgar a huaỽdyl vyd. ỻef kymhedraỽl o
vraster a meinder kymhen vyd a racweledic a gỽiri+
on a chyfyaỽn. Y neb a|dywetto yn ebrỽyd ac yn ve  ̷+
in anffenedic vyd ac anghyflyryus a geuaỽc. O|r|byd
bỽrr y lef ynteu; ỻidyaỽc vyd a drỽc y anyan. Y neb
y bo ymadraỽd melys ganthaỽ; kynghoruynnus vyd
a|thybyus a thegỽch y ymadraỽd a dengys ynuyt+
rỽyd ac anosparth a balchder. a|dywetto drỽy gyffroi
y|dỽylaỽ neu y draet; kynghoruynnus vyd a huaỽdyl
a thỽyỻaỽdyr. a dywetto heb gyffroi y dỽylaỽ na|e dra+
et; perffeith yỽ y deaỻ. da yỽ y duỽolyaeth a|e gynghor.
a vo mynỽgyl hiruein idaỽ; sonuaỽr vyd ac ynuyt. a vo  ̷
a mynỽgyl byrr iaỽn idaỽ; ynuyt vyd a thỽyỻỽr.
Pỽy|bynnac y bo mynỽgyl bras idaỽ; ynuyt vyd
ac anoeth. Pỽy bynnac a|vo bolvras; anosparthus
a|ỻetynuyt a balch ac aniweir vyd. Croth gyuar+
tal a|dỽy·vronn wasgedic a|arỽydockaa goruchelder
deaỻ a|chynghor. Da yỽ dỽy·vronn lydan ac ysgỽyd+
eu teỽon a venyc ffynnyant a gleỽder a chynnal
deaỻ a doethineb. a vo mein y gefyn; drỽc vyd y an  ̷+
yan. Kymhedrolder dỽy·vronn a chefyn; goreu arỽyd
yỽ. a haỽssaf eu kanmaỽl. Ysgỽydeu drychafedic
a|dangossant anyan cas ac anffydlonder. Breicheu
hiryon a|erkeitto hyt y glinyeu. a|dengys gleỽder