BL Harley MS. 958 – page 48v
Llyfr Blegywryd
48v
ẏnteu heb dẏuot. ef a|geiff gwerescẏn.
Os trẏmẏgu ẏ gẏntaf. a dẏuot ẏ|r eil neu
ẏ|r trẏded. Ẏ|gniuer gwẏs a|tremẏcco. ẏ|g+
niuer camlỽrỽ a|tal ẏ|r brenhin. Ac eissẏ+
oes nẏ dẏgỽẏd o|e dadẏl. namẏn os kẏf+
reith a|e barn idaỽ gỽrtheb. Nẏ chẏỻ
neb ẏ tir ẏr dẏgỽẏdaỽ ẏ|g·wallaỽgeir
ẏnẏ dẏgỽẏtho teir gweith. Y neb a tal+
ho kẏnnassed o tir. nẏ thal hỽnnỽ ebediỽ
pan vo marỽ. O|r bẏd tir rỽg gỽelẏgord
heb rannu. kẏn bỽẏnt marỽ oỻ eithyr
vn. ẏr vn hỽnnỽ a geiff ẏ tir kẏffredin
oỻ. Ac onẏ dichaỽn ef wneuthur cỽbyl
wassanaeth dros ẏ tir hỽnnỽ. trigẏet
ẏ tir ẏ|r brenhin ẏnẏ aỻo hỽnnỽ ẏ wa+
sanaethu. O|r gofẏn dẏn tir o ach ac
etrẏt. nẏ dẏlẏir y warandaỽ ẏnẏ tẏgy+
ho henurẏeit gỽlat ẏ hanuot o|r we+
lẏgord a gẏnhalẏo ẏ tir. Pỽẏ bẏnhac
a gẏnhalyo tir andẏlẏet idaỽ ẏn vn
gymhỽt. neu ẏn vn gantref a|r rei a|e
dẏlẏho trỽẏ teir oes ryeni o pob parth
ẏn tagnouedus heb gẏffroẏ haỽl ẏm+
danaỽ ẏn ỻẏs heb losci tẏ heb tor ri ara+
dẏr o eisseu kẏfreith. nẏ dẏlẏ ỽrtheb ẏ rei
hẏnnẏ o·honaỽ gỽedẏ ẏ teir oes. kanẏs
| « p 48r | p 49r » |