NLW MS. Llanstephan 27 (The Red Book of Talgarth) – page 44r
Pa ddelw y dylai dyn gredu i Dduw
44r
yr arglỽydes ueir a|e eni yn|dyn. a|bot meir yn uorỽyn kynn
esgor a gỽedy esgor. Credu y|r iessu grist hỽnnỽ a|anet o ve+
ir wyry diodef o·honaỽ y dodi ar|brenn y groc yr rydhau
plant a|da o geithiwet uffern. a|e uarỽ a|e gladu. a|disgynnu
y eneit y anreithyaỽ uffern o|e etholedigyon a|oedynt yndi.
Y trydyd dyd y kyuodes o veirỽ yn vyỽ. a|r deugeinuet dyd
gỽedy hynny yr esgynnaỽd ar nefoed. a|r decuet dyd wedy
hynny yr anuones yr yspryt glan ar yr ebystyl a|e|disgyblon
a|oedynt y·gyt yng|kaerussalem. Credu y|r iessu grist hỽnnỽ
rodi medyant a gaỻu y|r ebystyl. a|thrỽydunt ỽynteu y
urdolyon brelatyeit yr eglỽys y gaethau ac y rydhau ene+
idyeu y pobloed o bop ryỽ bechaỽt o|r a|uei arnunt. a hyn+
ny trỽy rinwedeu yr|eglỽys. Credu|dyuot paỽp yn|y gna+
ỽt. a|e dyuot rac bronn crist dydbraỽt. Ac yna barnu ar
baỽp herwyd y weithret priaỽt. a roi nef yn|dragywydaỽl
y|r saỽl a|e gobrỽyo. a phoeneu uffern y|r saỽl a|e haedo. ~ ~ ~
G wedy cretto dyn yn ffydlaỽn y duỽ trỽ* y pyngkeu
hynn. haỽd vyd ganthaỽ garu duỽ. a|ỻyma ual
y|dyly ef y garu. Dyn a|dyly caru duỽ yn vỽy no|e eneit e
hunan a|e gorff. ac yn vỽy no dim o|r|byt oỻ. Ac yn vỽy
no da pressennaỽl y byt oỻ. megys y bei weỻ gan dyn
coỻi da pressennaỽl y byt oỻ. a|choỻi kedymdeithyas dyny+
on y byt oỻ. a|diodef pob ryỽ argywed a thremyc o|r a eỻit
y wneuthur ar y gorff. a|diodef pob angeu gỽaradỽydus
no gỽneuthur pechaỽt marỽaỽl neu godi duỽ o|e vod.
neu|dan wybot idaỽ. Gwedy duỽ dyn a|dyly caru y eneit
e|hun yn vỽy no|dim. a gỽedy y|eneit e|hun eneit y gymoda+
ỽc.
| « p 43v | p 44v » |