NLW MS. Llanstephan 27 (The Red Book of Talgarth) – page 4r

ac os hynny a|etholynt oc eu bod e|hun. iaỽn oed udunt gaf+

fel tal a|gobrỽy. ac na eỻynt bechu vyth. discipulus Paham y creaỽd

duỽ ỽynteu ac ef yn gỽybot y bydei udunt ual y bu. Magister. O acha+

ỽs adurn y weithredoed. kanys megys y dyt ỻiwyd ỻiỽ du

ual y bo gỽerthuaỽrussach y ỻiỽ gỽynn neu|r coch. veỻy o

gyffelybrỽyd y rei drỽc y bydant eglurach y rei kyfyaỽn. discipulus Pa+

ham na chreaỽd ef engylyon ereiỻ yn ỻe y rei hynny. Magister|Ny|s

dylyei. ony bei rei kyfryỽ a|r rei hynny. pei|trikynt yn diboen

yr hynn ny aỻei vot. kanys yr aỽr y pechassant y dygỽydassant.

discipulus A|wybyd kythreul bop peth. Magister. O natur angel ef a|wybyd law+

er. Ny wybyd ef hagen bop peth. ac megys y mae manweidy+

ach natur angel noc vn dyn. veỻy y mae kyfarwydyach a|hu+

odlach noc ef. Y petheu a delont rac ỻaỽ ny wdant ỽy dim o+

honunt. dieithyr a|gynuỻont o|r petheu a aethant heibyaỽ.

a|chymeint ac a|ganhattyo duỽ udunt y|wybot. Medylyeu dy+

nyon a|e hewyỻ* ny|s gỽyr neb namyn duỽ e|hun. a|r neb y myn+

no duỽ y venegi idaỽ. discipulus A aỻant ỽynteu bop peth o|r a vynnont.

discipulus Magister Da ny|s mynnant ac ny|s gaỻant. a|r|drỽc hagen y maent yn

graff. ac ny aỻant ỽy kymeint ac a|vynnont. dieithyr kyme+

int ac a|atto yr engylyon da udunt. discipulus Beth a dywedy di am yr

engylyon da. Magister Gwedy kỽympaỽ y rei drỽc y kadarnhaỽyt ỽ+

ynt hyt na eỻynt vyth na dygỽydaỽ na phechu. discipulus Paham

na|s geỻynt ỽy. Magister Am na|s|mynnynt. discipulus Paham na chadarn+

hawyt y ỻeiỻ veỻy. Magister Am nat arhoassant kyhyt a hynny o

amser. discipulus Ae kỽymp y ỻeiỻ a vu achaỽs y eu kadarnhau ỽyn+

teu. Magister Nac ef. namyn y obryn onadunt. kanys pan welsant

ỽy y rei drỽc yn ethol y drỽc drỽy syberwyt. sorri a|wnaethant ỽy.