NLW MS. Llanstephan 27 (The Red Book of Talgarth) – page 97v
Mabinogi Iesu Grist
97v
1
ryngthunt dysc karedic. a Joseph a attebaỽd yna idaỽ. pỽy
2
a|aỻei dofi hỽnn a|e dysgu. Pei tydi a aỻei dysgu idaỽ ef
3
dynaỽl dysc. ny|s gỽahardem ni. Jessu a dywaỽt pan gigle+
4
u zachias yr atteb hỽnn idaỽ. Tydi dysgaỽdyr kyfreith. re+
5
it yỽ dyn tebic ytti y gadỽ y petheu a dysgeist di. ac a|dywe+
6
deist oỻ. estronaỽl hagen ỽyf|i y|ỽrth aỻwedeu dynaỽl. a
7
pheỻ yỽ vy ansaỽd i y|ỽrth aỽch eminogeu chỽi. nyt cnaỽt+
8
aỽl ren vy eminyaỽc i. Y gyfreith hagen y trigyeist di yn+
9
di y trigyy. kynno honno yd oedỽn i. a chyt tebyckych di
10
nat oes dysc y m meu i. dysc di y gennyf|i. kanyt oes neb
11
a aỻo vyn|dysgu i onyt y gỽr yd ỽyf yn|y enỽ. hỽnnỽ a|e
12
dichaỽn. kanys teilỽng yỽ. a phan vỽyf|inneu dyrch·auedic
13
yn|y goruchelder. mi a|baraf gorffowys medỽl. ac aruer y*
14
nedloed. pan ych ganet chỽi ny|s gỽdost di. a myui a|e gỽnn.
15
A pha amkan. y buchedockaa paỽb ohonaỽch ar y daear. Y+
16
na yd ergrynaỽd paỽb rac ovyn. pan y clyỽssant yn dywe+
17
dut yr ymadraỽd hỽnnỽ. Ac yna y ỻefassant dan dywedut.
18
o. o. o. ỻyma beth maỽr enryued iaỽn. Ny chlyỽssam ni
19
hynny eiryoet. ny chlywir gan araỻ. na chan offeiryeit
20
na phrofỽydi. na gramadecwyr. Nyni a|wdam o pa du y
21
ganet Jessu. ac etto nyt pum mlỽyd. a pha delỽ y dichaỽn
22
dywedut y ryỽ eireu hynn. Paham na chredỽch chỽi yn
23
y petheu a|dywedeis i. a chan dywedeis i y chỽi y gỽnn i
24
pa bryt y|ch ganet. yd yỽch oỻ yn ryuedu. a·braham y gỽr
25
a dywedỽch chỽi y vot yn tat y chỽi oỻ. myui a|e gỽeleis ef.
26
ac ynteu a|m gỽeles inneu. a mi a ymdideneis ac ef. A
27
phan y clyỽssant ỽy efo yn dywedut hynny. ny beidaỽd
| « p 97r | p 98r » |