NLW MS. Llanstephan 4 – page 25v
Buchedd Dewi
25v
yng ar hynny nachaf y clywynt
lef didan ac arogleu teckaf yn ỻen+
wi y dinas. Sef a|oruc dauyd dywedut
yr|eilweith yn uchel. Arglỽyd iessu
grist heb ef kymer vy yspryt ac na
at vi y drigyaỽ a vo hỽy yn|y drygeu
hynn. Ac yn ol hynny ỽynt a glyỽ*
yr eilweith yr agel yn dywedut ỽrth
dewi. Dauyd sant ymbarattoa y
dyd kyntaf o vaỽrth ef a daỽ dy ar+
glỽyd di iessu grist a naỽ rad nef y+
gyt ac ef a decuet y daear y|th er+
byn. ac a|eilỽ y·gyt a|thi o|r rei a vyn+
nych di o ysgolheyc a ỻeyc. a|gỽiri+
on a phechadur. Jeuangk a|hen.
mab a merch. gỽr a gỽreic. croessan
a phuttein Jdeỽ a sarascin. a hynny
a|daỽ y·gyt a|thi. A|r brodyr kymmeint
un pan glyỽssant hynny. drỽy wyl+
aỽ a chỽynaỽ ac udaỽ ac ucheneit+
yaỽ a|drychafassant eu ỻef ac a|dy+
wedassant. Arglỽyd dewi sant kan+
horthỽya yn tristit. ac yna y dywa+
ỽt dewi ỽrthunt ỽy gan eu|didanu
a|e ỻawenhau. vy|mrodyr bydỽch
wastat ac vn uedỽl. A pha beth bynnac
| « p 25r | p 26r » |