Breudwd Welsh Prose 1300-1425
Cymraeg

NLW MS. 3035 (Mostyn 116) – page 169v

Brut y Tywysogion

169v

mynet ohonaỽ a|chroes gaerussalem o achaỽs ry|lad ohonaỽ kyn
no hẏnẏ veredud y vraỽt. Y vlỽydyn wedy hynny y gỽrth+
la·dỽyt Meredud vab ỻywarch o|e wlat. y gỽr a ladaỽd Mab
meuruc y|gefynderỽ. ac a daỻaỽd Meibon griffri y deu ge+
fynderỽ ereiỻ a Jeuaf ap ywein a|e gỽrthladaỽd. ac ẏn|y
diwed a|e ỻadaỽd. Y vlỽydyn racỽyneb y ỻas Joruerth ap ỻ+
warch gan ỻywelyn ap ywein ym|powys. Ychydic wedy hynny
yd yspeilỽyt ỻywelyn ap ywein o|e lygeit   a|e geiỻeu y|gan
veredud ap bledẏn. Yn|y vlỽydyn hono y|ỻas Jeuaf ap ywein
y gan veibon ỻywarch ap ywein y gefynderỽ. yn diwed ẏ
vlỽẏdẏn hono y ỻas Madaỽc vab ỻywarch y gan veuruc y
gefynderỽ vab ridit. Yn diwed y vlỽydẏn rac ỽyneb yd yspei+
lỽyt meuruc ap ridit o|e deu lygat a|e dỽy geiỻ. Y vlỽydyn
rac ỽyneb y ỻas Joruerth ap ywein. Yn|y vlỽydyn hono y|ỻas
katwaỻaỽn vab gruffud ap kynan. y gan gadỽgaỽn ap gro+
nỽ ap ywein y gefynderỽ ac einaỽn ap ywein. ychydic ỽedy
hẏnẏ y bu varỽ Maredud ap bledẏn. tegỽch a diogelỽch hoỻ
powys a|e hamdiffyn wedy kymrẏt Jachỽyaỽl benyt ar y|gorf
a gleindit eidiuarỽch yn|y yspryt a chymyn corff crist ac oleỽ
D eg mlyned ar|hugein a chant a mil. oed. oet. crist. [ [ ac aghen.
pan vu bedeir blyned ar vntu neb gahel heb ystoria
o|r a eỻit y gỽarchadỽ dan gof. a|r vlỽydyn rac ỽyneb y
bu varỽ henri vab gỽilim bastart brenhin ỻoegyr a|chym+
ry a|r hoỻ ynys y am hynẏ yn normandi y|trydyd dy* o vis
racuyr. ac yn|y ol ynteu y kymerth esteuyn o|blaes y|nei
goron y teyrnas y dreis ac y|darestygaỽd yn ỽraỽl idaỽ
hoỻ deheu ỻoegẏr. Y vlỽydyn rac ỽyneb y ỻas rickat
vab gilbert y gan vorgan ap|ywein. wedy hyny y kyffroes