Breudwd Welsh Prose 1300-1425
Cymraeg

NLW MS. 3035 (Mostyn 116) – page 56v

Brut y Brenhinoedd

56v

ỻyges vaỽr gantaỽ y|r alban y|r tir A|dechreu anreith+
aỽ y gỽladoet hynnẏ a|dyuot a oruc Meuruc ẏn|ẏ
erbyn a|chynuỻeitua vaỽr gantaỽ Ac ymlad ac
ef a|e lad A gỽedy caffel o veuruc y vudugolyaeth
honno. drychauel maen maỽr a wnaeth yn arỽyd
kaffel ohonaỽ yn|y wlat a elwit o|e enỽ ef wintymar
Sef yỽ hẏnnẏ yg|kymraec gỽys meuruc Ac yn|y maen
hỽnnỽ yd yscrifenỽyt gỽeithredoed meuryc ỽrth gadỽ
A  gỽedy ỻad rodric y rodes meuruc ran [ cof byth
o|r alban y|r bobyl orchyfygedic a dathoed gyt a ro+
dric y bressỽylaỽ yndi. A|r wlat a|rodes ef vdunt
ỽy a elwit katneis a|r wlat honno diffeith oed heb neb
yn|y chyfanhedu A gỽedy nat oed wraged vdunt. Sef
a|wnaethant erchi y|r brytanyeit eu merchet ac eu
karesseu yn wraged vdunt Ac eu nackau a wnaeth+
pỽyt vdunt. kanyt oed teilỽg gantunt rodi eu merch+
et nac eu kares  seu vdunt. Sef a|wnaethant ỽyn+
teu mynet hyt yn jwerdon. Ac odyno dỽyn gỽra+
get vdunt Ac o|r rei hẏnny kynydu plant ac etiue+
dyon ac amlau pobyl. A|r bobyl honno yỽ y gỽydẏl
fichti. A|ỻyna megys y doethant ac y kynnỽyssỽyt ẏn
gyntaf yn yr ynys hon Ac yr hẏnnẏ hyt hediỽ y  ̷ ̷
maent yn ormes heb vynet odyma. A chanyt arue+
itheis i|draethu o|r gỽyr hẏnnẏ nac o|r. yscotteit y|rei
heuẏt a dechreuwis kynydu eu kenedyl o|r rei hynnẏ
Ac o|r gỽydyl y peideis a|hynny Ac ymchoelut y|draethu
o|m defnyd vu|hun ~ ~  
A  gỽedy tagnefedu o veuryc yr hoỻ ynys o|r mor
y gilyd. dechreu karu gỽyr rufein a|oruc Ac el+
ỽg eu teyrnget. Ac o|agreiff a dysc y dat kadarn+