NLW MS. 3036 (Mostyn 117) – page 22
Brut y Brenhinoedd
22
daỽt ac vn gyfreith. A|r rei hynny a adaỽssant o gyt+
duundeb mynet ygyt ac goffar y| dial y| sarhaet a|e
gewilyd a|e gollet. Ac y| ỽrthlad yr estraỽn gened+
yl o teruyn y wlat.
A Guedy y| urỽydyr honno a|r| uudugolyaeth.
llawenhau a oruc brutus a|e getymdeithon
A chyfoethgi* y| wyr o da y rei lladedigyon. A diffei+
thaỽ y wlat a|e llosci a llenwi y logeu o|e da. A gue+
dy distryỽ onadunt y| genedyl honno a|r| wlat y+
velly. y| doethant hyt yn dinas turon yr hỽn a| dy+
weit omyr y mae ef a|e hadeilỽys yn gyntaf. A
guedy guelet yno lle cadarn. A·deilat yno castell a
oruc. o bei reit idaỽ kyrchu diogelỽch mal y kaffei
yn baraỽt. kanys ofyn oed gantaỽ dyuot goffar
a| thywyssogyon ffreinc a| llu aruaỽc gantunt y ym ̷+
lad ac ef. A guedy gỽneuthur y kastell y bu deu
dyd yn arhos dyuot goffar a|e| lu trỽy ymdiret y+
n| y leỽder a|e ieuenctit. A guedy clybot o goffar
bot guyr tro yn castellu yn| y gyfoeth. ny orffow+
yssỽys na dyd na nos hyny doeth yno. A guedy
guelet kestyll brutus gan edrych yn agarỽ ar+
nunt y dywaỽt val hyn. Och a|tristyon tyghetue+
neu; llafassu o alltudyon castellu ym perued vyg
kyuoeth val hyn. Guiscỽch aỽch arueu wyr a by+
dinỽch. A chyrchỽch yr hanher guyr racco megys
deueit. A rennỽch ỽynt yn geith ar hyt y kyfoeth.
A guiscaỽ eu harueu a| wnaethan yn erbyn eu ge+
| « p 21 | p 23 » |