NLW MS. 3036 (Mostyn 117) – page 7
Brut y Brenhinoedd
7
edyl a| uuassei y| saỽl ulỽydyned hynny yg keithiwet
y| danadunt llafassu anuon y ryỽ lythyr hỽnnỽ. at+
tadunt na medylyaỽ onadunt keissaỽ bỽrỽ gued
geithiwet y| arnadunt. Ac ỽrth hynny y kauas guyr
groec yn eu kyghor lluydaỽ yn eu hol a| cheissaỽ eu
kymhell y eu keithiwet. Ac val yd oed pandrasius
a|e lu yn kyrchu y diffeith y tebygynt vot brutus
yndaỽ. Ac yn mynet heb laỽ kastell a elwit spara+
tintus; eu kyrchu yn dirybud a| oruc brutus udunt.
A their mil o wyr aruaỽc gantaỽ. Ac ymlad ac ỽynt
a oruc guyr tro yn ỽychyr diafyrdỽl. A llad aerua
diruaỽr y meint onadunt. A ffo yn gewilydyus
a oruc pandrasius a guyr groec ygyt ac ef. y pop
man o|r y tebyckynt gaffel dianc. A cheissaỽ my+
net trỽy auon a oed ger eu llaỽ. Sef oed y henỽ
akalon. Ac yn keissaỽ bryssyaỽ trỽy yr auon. y
periglỽys aneirif onadunt. A| llawer a uodassant.
A llawer o|r a diaghei heb eu bodi a ladei wyr tro
ar y lan. Ac yn| y wed honno guneuthur deudyblyc
aerua onadunt. A guedy guelet o antigonus bra ̷+
ỽt y vrenhin groec hynny; doluryaỽ a| wnaeth yn
uỽy no meint. A galỽ y| getymdeithon guascare+
dic attaỽ. Ac eu bydinaỽ yn gyflym a chyrchu gỽyr
tro. kanys clotuorach oed gantaỽ a| thegach y lad
gan gyrchu ac ymlad; no|e uodi gan ffo yn llỽch a
thom. Ac ymlad a| oruc ef a|e getymdeithon yn ỽy ̷+
chyr ac yn ỽraỽl. Ac ny dygrynoes udunt namyn
| « p 6 | p 8 » |