NLW MS. Peniarth 11 – page 152r
Ystoriau Saint Greal
152r
marchaỽc urdaỽl. yr hỽnn|oed yn|dyuot o nerth traet y varch ac
yn aruaỽc o bop arueu. Arglỽyd heb ef ỽrth walchmei yr oed·ỽn
i yn|dyuot y|ch|amdiffyn|di. kanys yd oedit yn gỽneuthur cam
a|thi yn|y dinas racko. a minneu a|hanỽyf o|r casteỻ yr hỽnn a
nertha paỽb o|r a|hanffo o wlat araỻ. o|r byd reit udunt ỽrth ~
nerth. A vnben heb·y gỽalchmei bendigedic vo y casteỻ hỽnnỽ.
a|phỽy henỽ y casteỻ. Arglỽyd heb y marchaỽc ef a|elwir casteỻ
y bel. a|chanys deryỽ dy rydhau di mi a|ymchoelaf dracheuyn.
a thitheu a deuy y lettyu heno beỻach att vy arglỽyd i. Duỽ a
diolcho ytt dy gỽrteissi heb·y gỽalchmei. a marchogaeth a|oru+
gant tu a|r casteỻ yny doethant y myỽn. ~
A phan doethant y|r casteỻ y myỽn. gỽalchmei a arganvu
yr arglỽyd yn|eist* ar disgynuaen o varmor. ac yn e+
drych ar y dỽy verchet yn gỽare a|phel o eur. A|phan argan+
uv ef walchmei yn|disgynnu. ef a|doeth yn|y erbyn. ac a vu la+
wen ỽrthaỽ. ac odyna ef a|beris y|r merchet kanhebrỽng gỽal+
chmei y|r neuad. A|phan daruv y walchmei diosc y arueu
ef a|ducpỽyt idaỽ diỻat o|e gỽisgaỽ. a gỽedy hynny ỽynt a
aethant y vỽyta. a|r morynyon ieueinc a|eistedassant yn|y|ym+
yl. ac ar hynny nachaf gorr yn dyuot y myỽn. ac ysgỽrs y+
n|y laỽ. ac yn roi dyrnodeu y|r merchet a|e ysgỽrs. ac yn dywe+
dut ỽrthunt. kyuodỽch y vyny drỽc eu dysgyeit. paham y
gỽneỽỽch chỽi lewenyd kymeint a hỽnnỽ y|r|gỽr a|ladaỽd
aỽch braỽtuaeth. ac ar hynny y merchet a|gyfodassant ~
yn|gewilus* y vyny. ac a adaỽssant walchmei. ac ynteu|ry+
ued vu ganthaỽ hynny. A|r ieuaf onadunt a|dywaỽt ỽrth walch+
mei.
| « p 151v | p 152v » |