NLW MS. Peniarth 15 – page 138
Buchedd Fargred, Buchedd Catrin
138
gwaret Ac ỽy a gayssant* wared oc eu heneint. Ac eu klefydyeu
trỽy obrỽyeu gỽynuededic vargret Minheu teodemus a dugum
corff gwynuededic vargret Ac a|e gossodeis y myỽn betraỽt gỽed+
y gyweiryao*. oc ireit gỽerthuaỽr yn enrededus A mi a|e gwassa*+
nathaỽed hi tra vu yn|y karchar Ac a yscriuennỽys y hamrysso+
neu a|e budugolyaetheu y rei a oruc hi yn erbyn Oliber enwir
Diodef wyry a|wnaeth hi y deudecuet dyd kyn kalan aỽst trỽy
rat a|rod yn iachỽyaỽdyr ni iessu grist y gỽr yssyd vyỽ a phyt*
a vyd byỽ Ac a wledycha trỽy rat yr oes oessoed heb diwed a
heb orffen yn tragywyd. Jdaỽ y bo pob gỽir volyant A|thragy+
wydaỽl ogonyant y gan yr holl gryaduryeit Ac y ninheu*
madeuant o|m pechodeu A gỽir lewenyd didiffic di·orfen gyt a|r
tat a|r mab a|r yspryt glan boet gwir Amen.
A *rglỽydi gwerendeỽch a deellỽch hyn a dywedaf iỽch o|r
wyry vendigeit a elwir seint katrin Merch oed y vrenhin
constantinobyl yr hỽn a|elwir yn ỻadin Alexander yr honn a
dechreaỽd o|e ieuectit wassanaethu duỽ Ny dywat kelwyd Ac
nyt oed oet erni namyn deunaỽ mlỽyd pan ufydhaaỽd hi y
wassanaeth duỽ Ac y rodes y morỽyndaỽt y duỽ. yn alex+
andria yd oed vrenhin a gassaei duỽ a|r seint yn vaỽr.
Maxen y gelwit ac a gauas y mellthit* duỽ a|cristonogyon
a|r gỽr drỽc hỽnnỽ a duc llawer y agheu o|r cristonogyon Ac ef a
wnaeth gỽled vaỽr Ac orchymynaỽd y baỽb o|e wlat dyuot yno
y aberthu o|e dỽyeu ef a|r neb ne delhei attaỽ y dodet yg|kachar*
y Rei kyfoethaỽc a|doethant yno ac anregyon maỽr ganthunt A|Rei
tlaỽt a|e hanregassant ef herwyd eu gaỻu. yn|y wlat honno
yd|oed vorỽyn wery* a elwit katrin y ny doei hi o|e wssana* ̷ ̷+
ethu ef nac y wneuthur. y dỽyeu ef. Ac ynteu a erchis heb
The text Buchedd Catrin starts on line 15.
| « p 137 | p 139 » |