NLW MS. Peniarth 15 – page 89

ymdiretto o|e olvt megẏs deveit yn vffern y|gossodir. Ac aghev a|e pyrth. Discipulus Beth

vyd y|rei kywreint. Magister Menet* hayach yg|kẏfvyrgoll kannys pob peth o|r a|wne+

lont drwẏ dwyll y|gwnant Ac am yr rei hẏnnẏ y|dẏwedir Nẏt oes tẏwẏ+

llwch na|gwasgawt anghev a|gvdyho y|neb a|wnnel ennwired Discipulus Beth a|dẏ+

wedẏ di am ẏ penẏtwẏr. Magister. Ag*|gẏoed na alw|di wẏnt yn benytwẏr namẏn

yn watnwar wẏr* am dvw kannẏs kellweiraw dvw a|wnant. Ac ev twẏ+

llaw e|hvn a|llẏwenhav a|wnant pann wnelont drwc a|hẏnnẏ ẏn|ẏ pethev

gwaethaf pann ladont dẏnẏon y|kanant pan wnelont pvteinrwẏd ẏ|lly+

wenhaant pan tyghont annvdonev nev pan letratlont* y|chwardant pan

vont ẏn|ẏ penẏt y keissant amravaelon anregẏon Ac ymedwant o|amrẏ+

vaelon wirodev a|chẏmrẏt yn vwẏ noc ereill gormodẏon a|wnant Ac am

y|rei hẏnnẏ ẏ|dywedir Yr arglwẏd a|dyrẏ ev kic y|r prẏvet ac y|r tan nẏ

diffẏd Discipulus Beth am|y dynẏon ffol. Magister. ygyt a|r dynyon bychein ẏ|kẏfvrifir

wẏnt kannẏ wdant gwnnevthvr gwel* Ac am hẏnnẏ y|dieithrir wẏnt

Discipulus. Beth am lavvrwẏr ẏ|daẏar. Magister. Ran vawr o·nadvnt a|iacheir kannys bvc+

hedockav a|wnant yn vvl a|phorthi pobyl dvw oc ev chwẏs megẏs y|dywedir.

Gwynn y|vyt a|vwyttao o|lavvr ẏ|dwylaw Discipulus Beth|am y|rei bychein. Magister.

Y rei heb dẏwedvt hẏt ar teirblwyd a hẏnnẏ gann gael bedẏd a|vydant iach

megys y|dywedir y|ryw·rei hynnẏ biev teyrnnas nef Rei pymlwẏd a|mwẏ

a|ant ẏg|kẏfvyrgoll Ereill a|dieing megys y|gwelir ychydic a|iacheir A|chẏfẏg

yw y|fford a|dywẏs y|r vvched. Ac ychydic a|gerda idi eissoes megẏs ẏd|ethol y|go+

lomen y|grawn pvr. velle yd|ethol krist y|etholedigẏon ef a|e seint dirgeledic o|plith

yr holl genedẏloed a|rei kenei o|genedyl y lladron a|gymer kanys dvw a wybv

dros garyat pwy y|gellẏngawd ef y|waet drostvnt Yscrivennedic yw Crist

a|vv varw y|rei ennwir Discipulus Pa|delw y|bv varw ef gann hẏnnẏ dros pawb

.Magister Krist dros y|etholedigẏon e|hvn y|rei a|oed ennwir yna a|vv varw Dros

bawp y|dẏweit ef Sef yw hẏnnẏ o|bop kenedyloed Ac o|bop Jeith Ac nẏt

yn|ẏr amser hwnnw e|hvn namyn dros bawp rac llaw a|thros y|rei a|oedynt

yn vffern megys y|dywedir nẏ|m anvonet. i. onnyt ar y|deveit a|golles

tẏ ẏr israel Ty ẏr israel kystal yw hẏnnẏ a|theẏrnas. y|rei a|welont dvw

Sef yw y|rei hẏnnẏ yr evgylẏon* Y|deveit a|gollet yw yr etholedic a

doeth krist o|e brynv o|anghev Megẏs y|dywedir mi a|ossodaf vy eneit

.i. dros vyn|deveit. i. Dros y|rei eidaw ef y|dywat ef ac nyt am y|rei

y dywat ef y|geir hwn amdanvnt Nyt ydẏwch chwi|o|m deveit. i.

Odyna ti a|gafẏ* yn yscrivennedic dros y|rei hynn yd archaf. i. ac nyt

dros y|bẏt ac eilwch* ẏ|dẏweit Ti a|e kereist wynt kynn gossot ẏ|byt

am|ẏ rei hẏnnẏ y|dywedir hwn yw y|gwaet a|dinevir dros lawer

ny dyweit ef dros bawp Ny wnaeth anghev Krist o|les y|rei drwc.