NLW MS. Peniarth 18 – page 61v
Brut y Tywysogion
61v
dỽyn reith y ar ỽyr eluael am|y bot yn keissaỽ aruer
o borueyd maelenyd megys o vreint. Y|ulỽydynn
racỽyneb y|morỽydaỽd henri vrenhin y|vordeỽs
A|diruaỽr lu gantaỽ a gorchymyn y urenhinaeth
a|ỽnaeth y|edỽard y|vap. Ac y rickert iarll
kernyỽ y|vraỽt. ar vrenhines. Y ulỽydyn honno
y garaỽys yd ymhoelaỽd thomas escop mynyỽ
o lys rufein. Y|ulỽydyn racỽyneb yd ymhoelaỽd
leỽys vrenhin ffreinc o|e pererindaỽt ỽedy y|vot
hỽe|blyned yn ymlad ar|saracinyeit. Y|ulỽydyn
racỽyneb honno yd ymhoelaỽd henri vrenhin
o|ỽasgỽyn ỽedy adaỽ yno yn cadỽ edỽard y vap
a|diruaỽr lu gyt ac ef. Ac yna y|bu varỽ gỽenlli+
an verch vaelgỽn Jeuanc yn llann vihagel gel+
ynrot. Ac y|cladỽyt yg|kabidyldy y|myneich yn
ystrat|flur. Y ulỽydyn racỽynep y|bu uarỽ mare+
dud ap llywelyn o veironnyd gann adaỽ vn map yn eti+
ued idaỽ o ỽenllian verch vaelgỽn. Ac yn ebrỽyd
ỽedy gỽyl ieuan y bu varỽ rys vn mab maelgỽn
ieuanc ỽedy kymryt abit creuyd yn|ystrat|flur
Ac y cladỽyt yn emyl y|chỽaer yg|kabidyldy y
myny eich. Y dydyeu hynny y|magỽyt ter+
uysc maỽr o annoc kyureith rỽg meibon grufud ap
llywelyn nyt amgen yỽein goch. a dauid o neilltu. a llywelyn
o|r tu arall. Ac yna yd arhoes llywelyn a|e ỽyr yn diofyn
ymbryn derỽyn trỽy ymdiret y|duỽ. creulaỽn
| « p 61r | p 62r » |