NLW MS. Peniarth 32 (Y Llyfr Teg) – page 119
Llyfr Iorwerth
119
1
ac eu sarhaet. chwe|bu a chweugeint aryant.
2
gan eu hardrychafel Galanas Maer. a mab u+
3
chelỽr; kymeint a galanas deu o|r sỽydwyr. ac
4
ueỻy eu sarhaet. Galanas gỽr ar deulu; pede+
5
ir bu a phedwar ugein|mu. Y sarhaet yỽ; pedeir
6
bu a phedwar ugeint aryant gan y ardrychafel.
7
Galanas bonhedic canhỽynaỽl. ac aỻtut brenhin.
8
teir|bu a thri vgein|mu; eu sarhaet teir|bu a
9
thri ugeint aryant. Galanas aỻtut mab uch+
10
elỽr; hanner galanas aỻtut brenhin. ac ueỻy y
11
sarhaet. Galanas kaeth o|r ynys honn; punt.
12
os tramor vyd; chỽeugeint a phunt. Sarhaet
13
kaeth; deudec keinhaỽc. chỽech dros beis idaỽ.
14
a their dros laỽdyr. vn dros guryaneu. vn dros
15
gryman. vn dros raff. ac os yg|koet y byd; rodet
16
geinhaỽc y gryman y|r bỽyaỻ. O|r sarhaa kaeth
17
dyn ryd; ỻadher y ỻaỽ deheu idaỽ ony|s|pryn
18
y arglỽyd. Kymeint yỽ gỽerth ỻaỽ y kaeth;
19
a gỽerth ỻaỽ y brenhin.
20
O |Naỽ affeith ỻedrat; kyntaf yỽ onad+
21
unt. menegi y ỻedrat a|dycker. Eil yỽ;
22
kyt·synnyaỽ a|r ỻedrat. Trydyd yỽ; rodi bỽ+
23
yỻỽr y|r ỻeidyr. Pedweryd yỽ; mynet yn|y
24
gyweithyas ac arwein y bỽyỻỽr. Pymhet yỽ;
25
mynet ygyt ac ef y dorri y ỻe y bo y ỻedrat
26
yndaỽ. Chỽechet yỽ; bot yn nodỽr a|e erbyn+
| « p 118 | p 120 » |