NLW MS. Peniarth 45 – page 105
Brut y Brenhinoedd
105
heb ef llyma yd oed y gwyr a|th carei ti yn|y
damunaỽ eiroet. A duỽ yn|y danuon hediỽ
yman achos dy|uot titheu yn cadỽ fydlon+
der ỽrth duỽ. Ti a|uuost yn ymgyghor
a|th wyrda Beth a wnelut am helen dy uer+
ch a|th kyuoeth Can yttoedut ti yn troi ar
heneint mal nat haỽd y ti llywyaỽ y teyr+
nas yn hỽy no hynny. Ac yna y kyghorei
rei it rodi coron y teyrnas y kynan dy nei
a rodi dy uerch y dylyedaỽc o wlat arall Ca+
nys ouyn oed gantunt dyuot darestyngedi+
gaeth yr teyrnas o delhei urenhin aghyfy+
ieith arnadunt. Ac eissoes y rann uỽyhaf
o|th wyrda a gyghores it keissaỽ un o am+
herodron ruuein. y rodut dy uerch a|th kyuo+
eth gỽedy ti Canys y·uelly y tebygynt ca+
el hedỽch yn tragywydaỽl trỽy amdiffyn
gwyr ruuein. A llyma arglỽyd y gwas ieuanc
hỽn gỽedy yr danuon o duỽ iti a henỽ o ru+
ueinyaỽl amherodron a brenhinolyon ury+
tanneit. Ac y hỽnnỽ o|m kyghor i y rody di
dy uerch a|th kyuoeth gwedy ti. A heuyt
edrych ti bot yn gystal y dylyet ef ar ynys.
prydein. ar teu ti. Canys kar agos yỽ y custennin
a uei y coel yn brenhin ninheu ac y uerch
y gỽr hỽnnỽ nyt oes dylyet gwarauun
| « p 104 | p 106 » |