NLW MS. Peniarth 45 – page 169
Brut y Brenhinoedd
169
da hynny hyt dydbraỽt. Ac gỽedy pa+
llu eu hethrylith y paỽb onadunt ac na
ỽydynt pa wneynt. y dywaỽt tramor
archesgob caer llion ar ỽysc vrth y bren+
hin ual hyn. Arglỽyd heb ef Os·sit
neb a allo dechymygu y ryỽ weith a|dy+
wedy ti. Myrdin bard gortheyrn a|e di*
digaỽn o|e ethrylith ef. Canyt oes y|th
teyrnas ti dyn uỽy y vybot no hỽnnỽ
o ymadraỽd a gweithret. Ac vrth hyn+
ny arch y dyuynu ger dy uron. hyt
pan uo o|e ethrylith ef y cỽplaer y gwe+
ithret hỽnnỽ yssyd y|th uryt y wneuthur.
Ac yna yd anuonet y keissaỽ y dỽyn ar y
brenhin pa le bynhac y keffit. Ac gwedy
crỽydraỽ pob le; y caffat yn euas ar lan
fynhaỽn galabes. Canys yno y gnotaei
cartrefu. Ac gwedy menegi idaỽ eu
neges. wynt a|e dugant gantunt
hyt ar y brenhin. A|e aruoll a|wnaethpỽyt
idaỽ yn llawen. Ac erchi idaỽ dywedut
daroganheu a delhei rac llaỽ Canys di+
grif oed gantaỽ warandaỽ petheu an+
ryued. Ac yna y dywaỽt myrdin nat
oed haỽd traethu o ryỽ petheu hyn+
ny Onyt pan y kymhellei anghenreit.
| « p 168 | p 170 » |