NLW MS. Peniarth 45 – page 297
Trioedd Ynys Prydain
297
wes ar heiden a gwenenen. Ac er hyn+
ny y mae goreu lle y heid llonwen. Ac
Odyna y kerdỽys hyt yn riỽ gyuerthỽch
yn eryri. Ac y dotwes ar keneu bleid
ac ar kyỽ eryr. Ar eryr a rodes coll. mab.
collurewy. y urynach vydel o|r gogled.
Ar bleid. a rodes y uenwaed o arllechwed.
Ar rei hynny uu uleid menwaed. Ac er+
yr brynach. AC odyna yd aeth hyt y
maen du yn llanueir yn aruon. Ac yno
y dodwes ar keneu cath. Ar keneu hỽn+
nỽ a|uyryỽys coll. mab. collurewy ym me+
nei. A honno wedy hynny uu cath paluc
Tri phrif lleturithaỽc. ynys. prydein. Coll. mab.
collurewy. A menyỽ. mab. teir gwaed. A
drych eil kiỽdar. Teir prif hut. ynys. prydein.
hut math. mab. matonỽy. A|hut uthur pen+
dragon. A hut gỽydelyn gor. Tri di+
weir teulu. ynys. prydein. Teulu catwallaỽn. mab.
catuan. a uuant seith mlyned yn iwer+
don y gyt ac ef. Ac yn hynny o yspeit ny
ouynassant dim idaỽ rac goruot arnadunt
y adaỽ. A|theulu ganran. mab. aedan. A
aethant yr mor dros eu harglỽyd. Ar
trydyd teulu gwendoleu. mab. keidyaỽ yn
arderyd a gynnalassant y urỽydyr pyth+
eỽnos a|mis wedy llad eu harglỽyd. ~ ~
| « p 296 | p 298 » |