NLW MS. Peniarth 6 part iv – page 41
Geraint
41
Gỽir heb y morgant tut. Trannoeth y kychwynaỽd arthur
ymdeith. Ac yd aeth Gereint y orffen y hynt. Ac yd erchis Gereint
y enyd kerdet or blaen a|chadỽ y ragor. val y|gỽnathoed
kyn no hynny. A hi a gerdaỽd. ar prifford a dilynyssant.
Ac val y bydynt uelly. ỽynt a|glywynt diaspat grochaf
or byt yn agos udunt. Saf ti yma heb ef a chyfarho. Ac
yd af|i y|edrych ystyr y|diaspat. A mi a wnaf heb hi. A my ̷+
net a oruc ynteu a dyuot y lannerch a oed yn agos yr fford
Ac ar y llannerch y gỽelei deu varch. vn a chyfrỽy gỽr ar ̷+
naỽ. ac arall a chyfrỽy gỽreic. A marchaỽc ae arueu ym+
danaỽ yn varỽ. A Morỽynwreic ieuanc a marchaỽcwisc
ymdanei a welei yn diaspedein uch pen y|marchaỽc.
A vnbennes heb y gereint. py deryỽ itti. yma yd yttoedỽn
yn kerdet vi ar gỽr mỽyhaf a garỽn. Ac ar hynny y doeth
tri chaỽr o geỽri attam a heb gadỽ iaỽn or byt ae lad.
Py fford yd edynt ỽy heb ef. yna yr fford vaỽr heb hi.
Dyuot a oruc ef ar enyd. Dos heb ef at yr vnbennes yssyd
yna. Ac arho vi yno or deuaf. Tost uu genthi hi erchi
hynny idi. Ac eissoes dyuot a oruc at y vorỽyn. Ac irat
oed gantaỽ warandaỽ arnei. A diheu oed genthi na deuei
ereint. vyth trachefyn. Yn ol y keỽri yd aeth ef. Ac ymodi ̷+
wes ac ỽynt a oruc. A mỽy oed pop vn o·nadunt no thry+
wyr. A chlỽpa maỽr oed ar yscỽyd pop vn. Sef a oruc yn ̷+
teu dỽyn ruthyr y vn o·nadunt ae wan a gỽayỽ trỽydaỽ.
A thynnu y wayỽ o hỽnnỽ a gỽan arall onadunt heuyt.
Ar|trydyd a ymchoeles arnaỽ ynteu ac ae trewis a chlỽpa
hyny hyllt y taryan hyny ettelis yr yscỽyd. Ac yny ym ̷+
egyr y holl welioed. Ac yny vyd y waet yn colli oll. Sef
| « p 40 | p 42 » |