BL Additional MS. 19,709 – page 50r
Brut y Brenhinoedd
50r
ac odyna mal yd oed hengist yn ỽr kaỻ doeth kaỻ* ys+
trywys gỽedy gỽybot ohonaỽ ry gaffel kytymdeith+
as y brenhin a|e garyat. Sef a wnaeth ymadravd a|r
brenhin yn|y wed hon. arglỽyd heb ef dy elynyon ys+
syt yn ryfelu arnat o|pop parth a hẏt y gỽelir imi
heuẏt bychydic o|wyr dy tey·rnas a|th gar. kanys
eu kan|mỽyaf a glyỽaf y|th ogyfadaỽ ti am dvyn em+
rys wledic o lydaỽ am dy ben y|d* diot o|th vrenhinya+
eth. ac vrth hẏnnẏ os da genhyt ti ac o byd ragadỽy
bod it. kygor yỽ genhyf|i. anuon kenadeu hyt vy|g·wlat
.i. y wahaỽd marchogyon ettwa odyno megys y bo
mỽy a|chadarnach an nifer ni vrth ymlad a|th elyn+
yon titheu. ac val y bych dibryderach titheu ac y·gyt
a hynny heuẏt vn arch a archaf itti. pei na bei rac
vyg|gomed ohonei. ac yna y dywaỽt gvrtheyrn. an+
uon ti dy genadeu heb ef yn dianot hyt yn ger+
mania y wahaỽd odyno kymeint ac a vynych. ac o+
dyna arch i|minheu. a|phy|beth bynac a erchych. ny|th
neckeir ohonaỽ. ac yna estỽg y ben a|wnaeth hyngist
a diolỽch idaỽ hynnẏ a dywedut ỽrthaỽ val hyn
Ti arglỽyd heb ef a|m kyfoethogeist|i ac a|rodeist
ym eisteduaeu amyl o tir a|dayar. ac eissoes nyt
megys y|gỽwedei enrydedu tywyssaỽc a hanfei
o lin brenhined. Sef achaỽs yỽ ti a dylyut rodi imi
ae casteỻ ae dinas gyt ac a rodut. megys y|m gỽe+
lit inheu yn enrydedus ym|plith y|tywyssogyon.
ac yna y dywaỽt gỽrtheyrn yn atteb idaỽ. a ỽrda ̷ ̷
| « p 49v | p 50v » |