BL Additional MS. 19,709 – page 50v
Brut y Brenhinoedd
50v
heb ef vy|g·wyrda i a|m gvaharaỽd rac rodi y ryv rodyon
hẏnnẏ itti. kanys estravn genedyl a|phaganyeit y·ỽch
ac nat atwen inheu etwa nac aỽch moes nac avch de+
uodeu chwi. megys y gaỻỽyf aỽch kyffelybu y|m kiỽ+
davtwyr. kanys pei dechreuỽn i aỽch enrydedu chỽi
megys priavt genedyl yr ynys Gvyrda y teyrnas
a gyfoda˄ẏnt y|m erbyn. ac a vrthvynebynt im. ac yna
y dywavt hengist. arglvyd heb ef kanyatta titheu y|th
was gvneuthur ar y|tir a|rodeist ym. kymeint ac ym+
gyrraetho karrei y|damgylchynu o vntu mal y bo di+
ogelach im ymgadv yn hỽnnỽ rac vyg|gelynyon. ka+
nys fydlaỽn vuum ac ỽyf ac a vydaf itti. a|phy beth
bynac a|wnelỽyf yno yn|fydlonder itti y gvnaf. a chan+
yadu a|wnaeth y brenhin idav hyny a gorchymyn idaỽ
eỻvg kenadeu hyt yn germania y erchi keissaỽ porth
yno ac yna heb vn gohir eỻỽg a oruc hengist hyt
yn germania a chymryt croen tarv a|wnaeth hengist
a|e hoỻi yn vn garrei. ac odyna ethol y ỻe kadarn·haf
a aỻỽys y gaffel ar y|tir a rodassit idav ac|a|r garrei hono
messuraỽ ỻe kasteỻ a dechreu y adilat yn dianot. a|phan
daruu adeilat y gaer y gelwit yg|kymraec kaer y garrei.
ỽrth y|messurav a|r garrei ac yn saesnec tan castyr ac yn ỻa+
din castrỽm corrigie. ac o|r enweu hẏnnẏ y gelwit yr hẏnẏ
A c ymchoelut a|wnaeth y kenadeu o [ hyt hediỽ.
germania a|deu·nav ỻog yn ỻavn o|etholedigyon.
varchogyon aruavc gantunt a merch hengist gantunt
Sef oed y henỽ Ronwen ac nyt oed yr eil a gyffelyppit
| « p 50r | p 51r » |