NLW MS. Llanstephan 27 (The Red Book of Talgarth) – page 40v
Ymborth yr Enaid
40v
anuonet y iachau thobias hen o|e deỻi. gyt a|r archegy+
lyon y kyfleheir dynyon a|wypont gyfrinacheu nefolyon
gymenediweu. ac a|e manackont ac a|e dysgont y ereiỻ yn
garedic drugaraỽc. Tywyssogaetheu yỽ y rei y bo y·dan+
unt toruoed o engylyon ac archengylyon ỽrth gỽplau gỽ+
assanaetheu duỽ. ac a vont yn kyfeisted ac ef. ac y·gyt
ac ỽynt y kynhỽyssir dynyon a|arueront o|r ysprydolyon
gampeu yn ragorus rac paỽb. ac a|wledychont o|e kampeu
ar eu kyt·etholedigyon ereiỻ vrodyr. Medyanneu yỽ y rei
y bo hoỻ nerthoed yr|engylyon gỽrthỽynebedigyon udunt
yn|darestỽng. hyt na|chaffont argywedu y|r byt ỽrth eu
mynnu. ac y·gyt ac ỽynt y kynhỽywssir dynyon a|rodo yr
yspryt glan udunt uedyant y vỽrỽ kythreuleit a dryc·ys ̷+
prydoed o gaỻonneu dynyon ereiỻ. Kadeiryeu yỽ eisteidua*+
eu y kyfeistedo y creaỽdyr yndunt ỽrth wneuth* y vrodyeu
a|e gyfreitheu yndunt. ac yno y kynhwyssir dynyon a|wledy+
chont arnunt e|hunein. ac ar eu gỽeithredoed a|e medylyeu
drỽy ymrodi y ovynhau duỽ megys y gaỻont varnu yn
gyfyaỽn ar ereiỻ. ac y gaỻo duỽ arglỽyd drỽydunt ỽynteu
amgenu gỽeithredoed eu kyt·vrodyr. Arglỽydiaetheu yỽ
y rei a|ragorho rac y tywyssogaetheu a|r nerthoed. Ac y·gyt
ac ỽynt y kyfleheir dynyon gleinyon a|orchyvyckont o|e
gleindyt a|e santeidrỽyd yr hoỻ wydyeu. a hoỻ gnaỽdoly+
on eidunedeu. Nerthoed nefolyon yỽ. neb rei rinwedeu
neu wyrtheu ryuedolyon a|wnel ỻuossogrỽyd o engylyon
yn|y byt yma. ac y·gyt ac ỽynt y kynhỽyssir dynyon a|wne+
lont wyrtheu a ryuedodeu. ac arwydon rinwedeu. Che+
rubin
| « p 40r | p 41r » |