NLW MS. Llanstephan 4 – page 29v
Buchedd Beuno
29v
a|gafas y enỽ y gan yr yscott a gyfodes
beuno o varỽ yno. a|e wreic a vuassei ach+
ỽyssaỽl o|e angheu ef. ac yno y gỽnaeth
beuno eglỽys. ˄ac y trigyaỽd hyt yr amser y doeth
nyeint kynan o hely att veuno y erchi
bỽyt idaỽ gan drigyaỽ yno yn wastat.
Ac yna yd erchis beuno y weisson kyr+
chu ych ieuangk y|r mynyd a|e lad y ar+
lỽy bỽyt y|r gwyr a|oed yn|y erchi idaỽ.
a hynny a|oruc y gỽeisson. a|r kic a|dodet
ar y tan y myỽn crochan y verwi y dry+
ded awr o|r|dyd. a|hyt bryt naỽn y bu ar y
tan. a|r gwyr heb orfowys yn kynneu y
tan dan y crochan. a phryt naỽn ny thỽ+
ymnassei y dỽfyr etto ac nyt amliwassei
y kic. Ac yna y dywaỽt vn o|r ỻeygyon.
Yr ysgolheyc hỽnn heb ef o|e geluydyt
yssyd yn gỽneuthur hynn ual na chaf+
fom ni dim y vỽytta. A phan gigleu beu+
no yr ymadraỽd hỽnnỽ o|e benn rodi y
emeỻtith arnaỽ a|oruc beuno. a marỽ
vu ynteu kynn diwed y dyd. Yna yd
ymchoelaỽd beuno hyt att veibyon
selyf a|dywedut ỽrthunt. Y peth a rodes
aỽch hyn chỽi y duỽ yn ryd a vynnỽch
chỽitheu y rodi mal ar|ardreth a|cheithiỽet
arnaỽ
| « p 29r | p 30r » |