NLW MS. 3035 (Mostyn 116) – page 153v
Brut y Tywysogion
153v
adaỽ y|teyrnas ae mynet yn ol y|braỽt ae ynteu a delei yn y
ewyỻus ef Pan gigleu ernỽlf hyny dewissa vu gantaỽ vy+
net yn ol y vraỽt a rodi y|casteỻ a|wnaeth y|r brenhin a|r
brenhin a dodes gỽercheitweit yndaỽ. gỽedẏ hẏnẏ hedychu
a oruc Joruerth a|e vrodyr a|ranu y kyfoeth y·rydunt a|gỽe+
dy ychydic o amser y delis Joruerth Meredud y vraỽt ac
y|karcharaỽd yg|karchar y brenhin a|hedychu a|wnaeth a
chadỽgaỽn y vraỽt. ac ẏ|rodi keredigyaỽn a ran o|powẏs
ac odyna mynet a|wnaeth Joruerth at y brenhin. a thebygu
y|r brenhin cadỽ y edewit ỽrthaỽ a|r brenhin heb gadỽ amot
ac ef a duc y gantaỽ dyfet ac a|e rodes y|neb vn varchawc
a elwit saer. ac ystrat tywi a chetweli a gỽyr a rodes y|howel
a gronỽ. ac yn|y kyfrỽg hỽnỽ y|delit gronỽ ap rys ac y bu
varỽ yn|y garchar. Yn|y vlỽẏdẏn rac ỽyneb gỽedẏ drycha+
fel o vagnus vrenhin germania hỽyleu ar ychydic o|logeu
a|diffeithaỽ a oruc terfyneu prydein a|phan|welas y prydein+
wẏr hẏnẏ megys morgrugyon o tyỻeu y|gogofeu y|kyfo+
dassant yn gadoed y ymlit eu hanreith. a|phan welsant
y brenhin ac echydic o nifer gyt ac ef. kyrchu yn eofyn
a orugant a gossot brỽydẏr yn|y erbyn. a phan welas y
brenhin hyny kyweiraỽ bydin a oruc heb edrych ar amyl+
der y|elynyon a bychanet y|nifer ynteu herwyd moes yr
albanwẏr drỽy goffaỽ y aneiryf vudugolaetheu gynt kyrchu
a oruc yn aghyfleus a gỽedy gỽneuthur y vrỽydyr a ỻad ỻa+
wer o|pop tu yna o gyfarsagedigaeth ỻuoed ac amylder ni+
feroed y elynyon y|ỻas ẏ|brenhin ac yna y gelwit Joruerth
vab bledyn y amỽythic drỽy dỽyỻ y kygor y brenhin ac y
dosparthỽyt y dadleuoed a|e negesseu a|phan doeth ef
| « p 153r | p 154r » |