NLW MS. 3036 (Mostyn 117) – page 140
Brut y Brenhinoedd
140
ganho. Chwech guedy ef a ymlynant y teyrnwy+
alen. A guedy ỽynteu y kyfyt pryf o germania.
Y moraỽl vleid a|drycheif hỽnnỽ. yr hỽn a getym+
deithoccaa llỽyneu yr affric. Y creuyd a dileir eil+
weith. A symutedigaeth yr eisteduaeu penhaf
a|uyd. Teilygdaỽt lundein a adurnoccaa kaer ge+
int. A bugeil kaer efraỽc a uynycha llydaỽ. Mynyỽ
a|wiscir o vantell kaer llion. A phregethỽr iwerdon
a vyd mut o achaỽs y mab yn tyuu yg callon y vam.
Ef a|daỽ glaỽ guaet. A girat newyn a|liỽha y rei
marwaỽl. pan delhont y petheu hynny; y dolury+
a y dreic coch. Ac yny bo llithredic llafur y|grymha+
a. Yna y bryssya direiti y dreic wen. Ac adeiladeu y
gardeu a diwreidir. Seith dygaỽdyr teyrnwya+
len a ledir. Ac vn onadunt a uyd sant. Dirvaỽr
poen a uyd yr dynyon. yny atueher* y rei eissywe+
dic. A wna y petheu hynny a|wisc gỽr euydaỽl.
A thrỽy laweryon amseroed ar varch euydaỽl a ge+
idỽ pyrth llun·dein. Odyna yd ymchoel y|dreic coch.
yn|y phriodolyon deuodeu. Ac yndi e|hun y llafury+
a y|dywalhau. ỽrth hynny y|daỽ dial yr holl gyfo+
ethaỽc. kanys pop tir a|tỽyll y amaeth. marỽoly+
aeth a gribdeilha y pobyl. yr holl enedloed a diffrỽ+
ytha. Y|guedillon a daỽant eu garedic dayar. Ac
a|heant gardeu estronaỽl. Y brenhin bendigeit
a darparha llyghes. Ac yneuad y deudec y·rỽg gỽ+
ynuydedigyon y rifir. yna y byd truan a daỽat y
| « p 139 | p 141 » |