NLW MS. 3036 (Mostyn 117) – page 176
Brut y Brenhinoedd
176
A guedy bydinaỽ onadunt a dechreu ymlad. y llas o
pop parth megys y|mae gnaỽt yn|y ryỽ damwein
hỽnnỽ. Ac eissoes guedy treulaỽ llawer o|r dyd yn|y
wed honno y|dygỽydỽys y uudugolyaeth yn
llaỽ vthyr pendragon. A guedy llad pascen a gil+
lamỽri; ffo a oruc yr aghyfieith pobyl honno y ym+
deith y eu llogeu gan eu hymlit ac eu llad. Ac yna
yn diamrysson y kauas vthyr y uudugolyaeth a duỽ
yn|y ganhorthỽyaỽ. Ac odyna bryssyaỽ a|oruc yn gyn+
taf y|gallỽys parth a|chaer wynt. kanys kennadeu
a dothoed attaỽ y uenegi marỽolyaeth emreis wle+
dic. A ry daruot y escyb y|wlat y|gladu ger llaỽ man+
achloc ambri o vyỽn kor y kewri y lle ar|wnathoed
e|hun yn|y uywyt ac yd archassei y gladu yndaỽ.
AC yna trỽy annoc y bobyl o leygyon ac yscol+
heigon y kymyrth vthyr coron y teyrnas am
y pen. Ac yn diannot y kyssegrỽyt yn vrenhin. A cho+
ffau a oruc y dehogyl ar wnathoed vyrdin am y se+
ren. Ac ỽrth hynny yd erchis ynteu gỽneuthur
delỽ dỽy dreic o eur ar y llun y guelsei ar pen paladyr
y seren. A guedy daruot eu gỽneuthur ỽynt trỽy
enryued ethrylith a chywreinrỽyd megys yd arch+
ydoed; y gossodes y brenhin y lleill onadunt yg|ka+
er wynt. Ac y gadỽys y|llall ỽrth y harwein yn|y vla+
en ynteu pan elhei y urỽydyr ac ymlad. Ac o|r am+
ser hỽnnỽ allan y gelwit ef vthyr pendragon.
Sef yỽ hynny vthyr pendreic yg kymraec. Ac
| « p 175 | p 177 » |