NLW MS. Peniarth 11 – page 59v

A  vnben heb y meudỽy ỽrth walchmei. yn|y weirglaỽd

a|weleist di yr|oed rastyl. a thrỽy y rastyl a|welut ti

yno y|deaỻỽn ni y vort gronn. kanys megys yr oed bresseb

y bop tarỽ yn|yr rastyl ar neiỻ tu. veỻy yr oed yn|y vort gronn

eistedua y bop vn ar neiỻ tu o|r milwyr. Drỽy y weirglaỽd

y gaỻỽn ni deaỻ u·vyddaỽt ac anmyned yn|yr rei y gossodet y

vort. A|phob marchaỽc urdaỽl o|r a|gymerit yng|kedymdeith+

yas y vort gronn. ef a|vydei reit idaỽ rodi y lỽ ar vot yn uvyd

ac yn an·mynedus. Yn|yr rastyl a|weleist di yd oedynt dec a|deu+

geint a|chant o deirỽ beilch am·rafael eu|ỻiwoed. drỽy y teirỽ

y geỻy|di deaỻ y milwyr a|r kedymdeithyon o|r vort gronn. y rei a|o+

edynt wedy ymrauaelyaỽ eu|ỻiwoed drỽy eu balchder a|e|pecho+

deu. Y kedymdeithyon hynny a|oedynt yn vrithyon. kanys nyt

eyngheu* eu pechodeu a|e balchder y|myỽn yndunt. ony bei ym  ̷+

dangos heuyt aỻan arnadunt yn glyttyeu ual yd|oed y teirỽ.

a|thri o·honunt a|oedynt heb vann arnunt. a|deu ohonunt a|o+

edynt burwynnyon. a|r trydyd a|oed ac vn mann arnaỽ. Y deu

deirỽ burỽynnyon a|gyffelybir y alaath a|pheredur. y|rei yssyd

degach no|r ỻeiỻ oỻ. kanys yd oedynt yn gyflaỽn o bop camp da

heb chweith halogrỽyd pechaỽt arnadunt. Y trydyd a|oed ac

un mann arnaỽ hỽnnỽ yỽ bỽrt yr hỽnn gynt a goỻes y vorỽyn+

daỽt a|e wyrdaỽt o achaỽs gweithret knaỽdaỽl a|wnaeth un we+

ith a|gỽreic. A|gỽedy hynny ef a ymgadwaỽd yn|y diweirdeb

yn gystal ac y kafas gan duỽ   vadeueint. y tri hynny a

oedynt gỽedy eu rỽymaỽ er  byn eu mynygleu. kystal yỽ

hynny a|e|bot yỻ tri yn|rỽymedic yn vuyddaỽt yn gymeint ac

na allei