NLW MS. Peniarth 6 part iv – page 46
Geraint
46
Aỽn yn llawen heb·y Gereint. A mynet a orugant gyt a|r mac ̷+
cỽy. A llawen uuỽyt ỽrthunt yn|y llys. A|r iarll a doeth
y|r neuad yny* eu herbyn. Ac a erchis kyweiraỽ y byrdeu
ac ymolchi a orugant. A mynet y eisted. Sef mal yd
eistedassant. Gereint a eistedaỽd o|r neill tu y|r iarll. Ac enyd
o|r tu arall. yn nessaf y enyd y brenhin bychan. Odyna
y iarlles yn nessaf y ereint. Paỽb gỽedy hynny mal y gỽe ̷+
dei udunt. Ac ar hynny medylyaỽ a oruc gereint. am y gỽa+
rae. A thebygu na edit ef idaỽ. A pheidaỽ a bỽyta a or ̷+
uc o|r achaỽs hỽnnỽ. Sef a oruc y iarll edrych ar ereint. A
thebygu pan·yỽ rac mynet y|r gỽare yd oed yn peidaỽ
a bỽyta. Ac yn drỽc gantaỽ wneuthur y|gỽaere eiroet.
kyny bei namyn colli gỽas kystal a gereint. Ac ot archei ereint
idaỽ peidaỽ a|r gỽare hỽnnỽ vyth. ef a beidei yn llawen
ac ef. Ac yna y dywaỽt yr iarll ỽrth ereint. Py vedỽl yỽ y
teu ti pryt na bỽytteych. Os pedrussaỽ yd ỽyt mynet
y|r chwhare*. ti a geffy nat elych. Ac nat el dyn vyth o|th
enryded titheu. Duỽ a talho it heb·y gereint. Ac ny mynnaf|i
dim onyt mynet y|r gỽare. Am kyfarỽydaỽ idaỽ. Os go ̷+
reu genhyt ti hynny. ti a|e keffy yn llawen. goreu ys gỽir
heb ynteu. A bỽytta a orugant. A dogynder o wassanaeth
Ac amhylder o anregyon a lluossogrỽyd gỽirodeu a geff+
ynt. A phan darfu bỽyt kyfodi a orugant a galỽ a oruc
Gereint am y varch a|e arueu. A gỽiscaỽ ymdanaỽ ac ymdan
y varch a oruc. A dyuot a orugant yr holl niferoed hyny
vydant yn emyl y kae. Ac nyt oed is y kae a welynt no|r
dremynt uchaf a welynt ar yr awyr. Ac ar pop paỽl a we ̷+
lynt yn|y kae yd oed pen gỽr eithyr ar deu paỽl. Ac am ̷+
| « p 45 | p 47 » |