Cardiff MS. 1.362 (Hafod 1) – page 102r
Brut y Brenhinoedd
102r
hi; nyt oed vỽy ganthunt no|r dim lleihaf y
hamdiffyn hij rac kenedyl ssaesson. A rac pop
kenedyl arall. Ac ỽynt a vydynt arglỽydi ar
yr holl enyssoed yn eu kylch. Ac* nac ny bu vn
genedyl a allei ỽrthỽynebu vdunt eithyr gỽyr
rufein. ỽynt a gymhellỽyt eissoes ohonei yn
waradỽydus gỽedy llad eu tywyssogyon yn llỽyr
Ac eissoes yr pan duc vaxen wledic a chynan me+
riadaỽc y|dylyedogyon o·honei hyt y|wlat hon
ny bu yno yr hynny hayach a allei kenydu eu bre+
int idi tracheuen. A chyt ry ffei heuyt rei a gyny+
dei vdunt eu breint o peth; ereill a vei wannach
a gollei hynny eilweith. Ac ỽrth hynny dolur yỽ
genyf|i aỽch gỽander chỽi. lanys* vn genedyl ym.
Ac vn yn gelwir megys chỽitheu brytanyeit.
Ar wlat hon y mayn yn amdiffyn eu gỽlat
rac paỽb o|e gelynyon yn ỽraỽl. ac yn da.
A Gỽedy daruot y selyf dywedut yr ymadrodyon
hyn; megys|kywylydyaỽ a oruc katwallaỽn.
ac atteb yr brenhin val hyn. Arglỽyd vrenhin
heb ef duỽ a ttalho itti adaỽ nerth y mi y geissaỽ
vy kyuoeth tracheuen. A minheu a|e diochaf*
yr hyn a dywedy titheu bot yn ryued genhyt
lescet kenedyl ynys prydein; hyt na allassant
kynhal breint eu hentadeu. gwedy dyuot y bryt+
tanyeit hyt y wlat hon. Nyt reit ryuedu hyn+
ny herwyd y guelir imi. Sef achaỽs yỽ. dylyedogy+
on yr holl teyrnas a duc a tywyssogyon hynny
ganthunt hyt y wlat hon. Ar anlyedogyon
| « p 101v | p 102v » |