Cardiff MS. 1.362 (Hafod 1) – page 110v
Ystoria Dared
110v
idaỽ ac aelodeu greuaỽl kadarn a gỽr|digryf oed
Aiax telamonnis lleff eglur oed idaỽ a gỽr greduaỽl cre+
ulaỽn yn erbyn y elynnyon ac anỽyt mul gantaỽ a bri+
ger bengrech du Vlixes gỽr kadarn llaỽn o vrat ac
ỽyneb llawen. a chorff kemhedraỽl kymen ac ygnat oed
Diomedes gỽr kadarn a chorff pedraỽg idaỽ ac ỽyneb
aduỽyn creulaỽn a gỽythraf yn ymlad a llef vchel ac
ymenyd tỽym drỽc agleỽ oed. Nestor gỽr maỽr hir
llydan call trỽyngam a|chanaỽt gwyn idaỽ Proteselaus
gỽr gwyn aduỽyn drych buan da y ymdiret drut Ne+
ocolomus gỽr maỽr Pryderua llidyaỽc bloysc Ac ỽyneb
da crỽn a llygeit duon ac aelodeu maỽr palamedes oed
ỽr hir vein claer ac ygnat maỽr·urydus. Pilodarius
oed oed* ỽr bras greduaỽl syberỽ trist Machan oed ỽr
maỽr kadarn hyspys call ofynaỽc trugaraỽc Meiryon
oed ỽr coch a|chorff crỽn kymedraỽl idaỽ sarahedus gỽ+
ydyn creulaỽn nyt oed amynedus. Briseida gỽreic aga+
menon oed furueid nyt oed hir a|chanaỽt gỽyn a gwallt
melyn ac aeleu duon a|llegeit llathreit ad·uỽyn a chorff
kyfyaỽn a dywedỽydat claer kiwilyduus ac annỽyt
mul gwar
Priaf vrenhin troea gỽr maỽr oed ac ỽyneb tec
idaỽ a llef hynaỽs a|chorff eryr. Ector vab Priaf
gỽr blosc* oed gwyn pengrech ac aelodeu buan idaỽ ac
ỽyneb ynrydedus karedic teilỽng ac adas y garyat
Deiphebus gỽr kadarn oed Elenus gỽr doeth karu+
eid a bras oed yny oed debic yỽ dat o furyf a phryt
ef ac anhebic o vam ac o anyan Troilus
gỽr maỽr tec oed greduaỽl a|chadarn ar y oet Alexan
| « p 110r | p 111r » |