Cardiff MS. 1.362 (Hafod 1) – page 92r
Brut y Brenhinoedd
92r
1
lit a bỽrỽ rei a daly ereill ac eu llad. ac ny diwed
2
gỽedy gỽneuthur diruaỽr gollet o wyr rufein. ym+
3
choelut a|wnaeth ar kyrcharoryon hyt eu pebyll+
4
eu gan lewenyd a budugolyaeth. a menegi y ar+
5
thur ar|gauaroed ac ỽynt. a diolỽch a|wnaeth yn+
6
teu hynny vdunt yn vaỽr gan adaỽ echwanacca+
7
u eu enryded am eu gỽassanaeth ny apsen. A
8
thranoeth y rifỽyt gỽyr ỽrth anuon y karche*+
9
roryon parth a pharis tra veit yn kymryt kyg+
10
hor ymdanunt. ac yna yd erchit y kadỽr iarll
11
kernyỽ a bedỽyr pen trullyat a deu dewyssaỽc o
12
ffreinc. borel a Richert eu hebrỽg hyt yn di+
13
ogel rac eu ellỽg o wyr rufein.
14
A Gỽedy clybot o|r amheraỽdyr hynny
15
sef a|oruc ynteu ellỽg pympthegmil o
16
wyr aruaỽc y geissaỽ gellỽg y karcheroryon*
17
ac yn tywyssogyon arnadunt. Vlteis senedỽr
18
a chedell vleid. a quintus caricius. euander vren+
19
hin siria. A. sertorius vrenhin libia. Ac y ker+
20
dỽys y nifer hỽnnỽ. hyny kaỽssant le adas y
21
eu ragot ac ymgudyaỽ yno ar bore trannoeth
22
kychỽyn a|wnaeth y brytanyeit ar karcheroryon*
23
ac ual y deuthant parth ar lle yd oed y pyt. ky+
24
uodi a oruc gỽyr rufein ac eu kyrchu a|e gỽas+
25
garu. Ac eissoes kyt kyrchit y brytanyeit yn
26
dirybud ny chat yn diaruot gossot rei a|wna+
27
ethant ỽrth eu karchyroryon. A llunyaethu
28
ereill yn vydinoed ỽrth ymlad a|e gelynyon
29
Ac ymlaen y vydin a oed yn kadỽ y karcha+
30
roryon
| « p 91v | p 92v » |