NLW MS. Llanstephan 27 (The Red Book of Talgarth) – page 41r
Ymborth yr Enaid
41r
1
rubin yỽ uchelyon uedyanneu ar yr engylyon. ac engylyon
2
wyrthyeu neu rinwedeu y gelwir. ac y kyfyeithyr yn ỻuosso+
3
grỽyd gỽybodeu. neu yn amylder keluydodeu. ac y·gyt ac ỽ+
4
ynt y kynhwyssir dynyon a|vont gyflaỽn o nefolyon wybo+
5
deu. ac ysprydolyon geluydodeu ỽrth adnabot y drindaỽt o
6
nef. Seraphin yỽ ỻuossogrỽyd neu amylder serchaỽl ga+
7
ryat ar duỽ yn ragorus rac hoỻ radeu yr engylyon. ac a
8
gyfyeithyr yn dan y ennynnu. kanys y·ryngthunt ỽy a
9
duỽ nyt oes engylrad araỻ. kanys atuo nessaf y rad y duỽ
10
mỽyaf yỽ. goleuni fflemychaỽl|dan karyat yndi. ac yno
11
y kynhỽyssir dynyon a ymloscont o dwyỽaỽl annỽylserch
12
garyat. yn gymeint ac y madeuont bop ryỽ beth yr y garyat
13
ef. ac am hynny nessaf yỽ y duỽ y mỽyhaf a|e karo. Ac ueỻy
14
drỽy y caryat hỽnnỽ y kyssyỻtir dyn a duỽ. a megys y mae
15
duỽ yn|vywyt y|r eneit. veỻy y mae y garyat yn ymborth idaỽ.
16
kanys megys y gỽahana yr|eneit dynyaỽl y ỽrth y gnaỽt+
17
aỽl gorff o·ny cheiff y corff y vydaỽl ymborth. veỻy y gỽa+
18
hana duỽ a|r eneit ony cheiff yr eneit y nefaỽl ymborth.
19
Sef yỽ hỽnnỽ dỽywaỽlber deilỽng garyat. Y perffeith ga+
20
ryat hỽnnỽ a|n rodho ni yr yspryt glan yr hỽnn yssyd wir
21
garyat yn kenniret annwylserch y·rỽng y tat a|r mab.
22
ac a|vucheckaa* yn vn dỽywolder ac ỽynt yn dragywydaỽl
23
oes oessoed ameN. Ac uelly y teruyna y llyuyr a|el+
24
wir ymborth yr eneit yr|hỽnn yssyd drydyd llyuyr o|r ỻyuyr a
25
elwir kyssegyrlan uuched. Ysgythrer yma gylch o naỽrad
26
yr engylyon megys y perthyno y bop grad yn briaỽt. ac yn|y
27
rad uchaf vn mab duỽ megys y|ỻunyỽyt uchot yn|dygynlut ym+
28
garu a|e ffydlonyon. ~ ~ ~
| « p 40v | p 41v » |