NLW MS. 3035 (Mostyn 116) – page 32r
Brut y Brenhinoedd
32r
y keuaruant a|chorineus a deu·cannỽr gyt ac ef yn hely
forest y brenhin. a gofyn a|wnaethant pỽy a ganattays+
sei idaỽ hely yn forest y|brenhin. kanys hen|deuaỽt yỽ
yr dechreu na dylyei neb hely forest y|brenhin na ỻad
y anniueileit heb y|ganhyat Ac y dywaỽt corineus na
cheissassei ef eiroet canyat am y|kyfryỽ a hẏnnẏ. Ac
ef a wnaeth vn o|r kenadeu sef oed y enỽ ym·bert a+
nelu bỽa a bỽrỽ corineus a saeth Sef a wnaeth cori+
neus gochel y|saeth Ac ysclyfyeit y bỽa o laỽ ymbert
ac a|r bỽa briỽaỽ y|ben yny oed y emenyd am y deu glust
a dechreu fo a|wnaeth y|ỻeiỻ. Ac o vreid y diaghassant
y gantaỽ. ac y managassant hẏnẏ y eu harglỽyd a
tristau a|wnaeth y brenhin yn vaỽr a|chynuỻaỽ ỻu
y|dial ageu y|genat arnadunt. A gỽedy gỽelet o vru+
tus hynẏ kadarnhau y|logeu a|wnaeth ynteu a|gos+
sot yndunt y gỽraged a|r meibon. Ac ynteu a|r hoỻ
gynuỻeitua o|r gỽyr a aethant yn erbyn y brenhin
A gỽedy bydinaỽ o baỽb eu gỽyr o bop parth ymlad
a|wnaethant yn galet ac yn greulaỽn a gỽedy treu+
laỽ ỻawer o|r dyd yn|y wed hono kewilydyaỽ a wna+
eth corineus hỽyret yd oedynt yn kael y vudugol+
yaeth na ỻauassu o|r fichteit bot mor leỽ a hynny
yn eu herbyn. Ac yna sef a|wnaeth corineus galỽ y
leỽder attaỽ a chymryt y|wyr e|hun ygyt ac ef a|my+
net ar neiỻtu yn|y parth deheu y|r ymlad a gỽedẏ
kyweiraỽ y vydin ohonaỽ kyrchu y|elynyon a oruc
yny aeth e|hun yn eu kanaỽl. Ac ny orffoỽyssỽys yny
kymheỻỽys ar|fo. A gỽedy coỻi y|gledyf y|damweinỽys
idaỽ kaffel bỽeỻ deuỽynebaỽc ac a honno y|gỽaha+
nei a gyfarffei ac ef o|warthaf y penheu hyt yg|gỽad+
| « p 31v | p 32v » |