NLW MS. 3035 (Mostyn 116) – page 37v
Brut y Brenhinoedd
37v
A gỽedy marỽ ỻeon y doeth run paladyruras y vab
ynteu yn vrenhin. Ac vn vlỽydẏn eisseu o deugeint
y bu yn gỽledychu a hỽnnỽ a duc y|bobyl oc eu teruysc
ar duundeb. Ac a adeilỽys kaer geint a|chaer wynt a
chaer vydnyd paladur yr hon a|elwir kaer septon. Yn|ẏ
ỻe y|bu yr eryr yn dywedut daroganeu dra adeilỽyt y
gaer. Ac yn yr amser hỽnnỽ yd oed kapis siluius yn vren+
hin yn yr eiff. Ac aggeus ac amos ac yeu ac azarias
yn proffỽyt yn yr israel ~ ~ ~ ~ ~ ~ ~ ~
A gỽedẏ marỽ Run y doeth bleidut y vab ynteu yn
vrenhin ac y bu vgeint mlyned yn gỽledychu a|r
gỽr hỽnnỽ a a·deilỽys kaer vadon. ac a wnaeth yno
yr enneint tỽym yr medeginyaeth y|r rei marwaỽl.
A|r gỽeith hỽnnỽ a aberthỽys y|r dỽywes a|elwit miner+
ua Ac adan yr eneint hỽnnỽ a ossodes tan heb diffodi
A|r amser hỽnnỽ y gỽediỽys helias broffỽẏt hyt na bei
laỽ. Ac y bu heb dyuot. whe|mis a their blyned yg|gỽlat
kaerussalem. A|r bleiddut hỽnnỽ a dysgỽys nigromans
yn gyntaf yn yr ynys hon. Ac ny orffoỽyssỽys o dych+
ẏmẏgu kywreinrỽyd yny wnaeth adaned idaỽ e
hun a phrofi ehedec ac yn hẏnẏ y|syrthỽys ar dem+
yl apoỻo yn ỻundein. ac yd yssigỽys oỻ ac yno y cla+
A c yna gỽedy marỽ bleiddut y drech +~ dỽyt ~
euit ỻyr y vab ynteu yn vrenhin. A thrugein
mlyned y bu yn|y ỻywyaỽ hi. yn ỽraỽl ac a adei+
lỽys dinas ar auon soram. Ac a|e gelwis kaer lyr
Ac yn saesnec y gelwir leissestyr. Ac ny bu idaỽ
vn mab namyn teir merchet. Sef oed enweu y
verchet goroniỻa. ragau. cordeiỻa. A|diruaỽr y
karei eu tat ỽynt. A|mỽyaf eissoes y|karei y verch
| « p 37r | p 38r » |