Breudwd Welsh Prose 1300-1425
Cymraeg

NLW MS. Peniarth 12 part ii – page 53r

Ystoria Lucidar

53r

ac ef a|adeilya o newyd hen gaerussalem. ac yno yd eirch ef y
adoli yn wir duỽ. a|r Jdewon a|deuant o|bob mann o|r byt o|e
erbyn yn anrydedus. ac o|bregeth eli ac enoc ỽynt a|ymchoe+
lant y gristonogaỽl grefyd. a|phaỽb haeach onadunt a|odef+
ant greulaỽn uerth·yrolyaeth. discipulus Ym|pa|oet y daỽ y rei hynny.
Magister Yn|yr oet y kymerỽyt ỽynt o|r byt hỽnn. a|r angkrist a|e|ỻad
ỽynt. ac ef a vyd medyant yr hoỻ vyt yn|y eidaỽ ef deir|blyned
a|hanner. odyna ef a|dynn y bebyỻ y vyned oliuet. y ymlad a|r
rei gỽirion. ef a|dywedir hagen y byrheir y dydyeu ef yna o
achaỽs yr etholedigyon. discipulus A vyd byrrach y dydyeu yn|yr am+
ser hỽnnỽ noc yr aỽr·honn. Magister Kyhyt vyd y|dydyeu yna ac yr
aỽrhonn. megys y dywedir. Ef a|wastetty y dyd mal y|ỻunye+
ythyeist di. namyn ef a|dywedir byrhau y dyd. am vot
yn|vyrrach yr amser. kanys teir blyned a|hanner y gỽledy+
cha|ef. ac ef a|dywedir ac a|gredir y byd ỻei corfforoed y dy+
nyon yna noc yr aỽrhonn. megys y|mae ỻei yr aỽrhonn no|r
rei gynt. discipulus Beth a vyd gỽedy hynny. Magister Ef a|edewir deu+
gein nieu y benytyaỽ y|r neb a|dygỽydaỽd nac o vegythyeu nac
o|dwyỻovein yr angkrist. odyna ny wyr neb pa|dyd vyd dyd
braỽt. discipulus Beth yỽ y korn diwethaf. Magister Pan rodes yr arglỽyd
y dedyf yn|y mynyd. ef a|glywit ỻef y corn. veỻy y kymer eng+
ylyon kyrff o|r awyr a|chyrn y gyhoedi y vraỽt gyhed. megys
y|dywedir. Ef a|gan y gorn. ac eilweith y dywedir. ˄ef a|difflanna
eu kof ỽy y gan y sein. ac yn uchel y|dywedant. kyfodỽch y
meirỽ. megys y|dywedir. Hanner nos y daỽ y ỻef. ac ar yr
aỽr|honno ennyt y|trewit yr amrant dros y gilyd y kyfyt yr
hoỻ ueirỽ a|drỽc a|da y uyny. discipulus Pa|vn yỽ y gyfotedigaeth
[ gyntaf